முதுகலை பட்டதாரி ஆசிரியர் தேர்வுக்கான முன்னேற்பாட்டு பணிகளில் டிஆர்பி தீவிரம்

சென்னை: அரசு பள்ளி முதுகலை பட்​ட​தாரி ஆசிரியர் தேர்​வுக்​கான முன்​னேற்​பாடு​களை ஆசிரியர் தேர்வு வாரி​யம் மும்​முர​மாக மேற்​கொண்டு வரு​கிறது. திட்​ட​மிட்​டபடி தேர்​வுக்​கான அறி​விப்பு ஆகஸ்ட் மாதம் வெளி​யிடப்பட உள்​ளது.

கல்​லூரி உதவி பேராசிரியர் பணி​யில் சேர வேண்​டு​மா​னால் நெட் அல்​லது செட் தகு​தித்​தேர்​வில் தேர்ச்சி பெற வேண்​டும். நெட் தேர்வு யுஜிசி சார்​பிலும் செட் தகு​தித் தேர்வு அந்​தந்த மாநில அளவிலும் நடத்​தப்​படு​கின்​றன. தமிழகத்​தில் செட் தேர்வு நடத்​தும் பொறுப்பு தற்​போது ஆசிரியர் தேர்வு வாரி​யத்​திடம் ஒப்​படைக்​கப்​பட்​டுள்​ளது.

அந்த வகை​யில், ஆசிரியர் தேர்வு வாரி​யத்​தால் கடந்த மார்ச் 6 முதல் 9-ம் தேதி வரை நடத்​தப்​பட்ட ‘செட்’ தகு​தித்​தேர்வு முடிவு ஏறத்​தாழ 3 மாதங்​கள் ஆகி​யும் இன்​னும் வெளி​யிடப்​ப​டா​மல் உள்​ளது. செட் தேர்வு முடிவு வந்​தவுடன் அடுத்​தகட்​ட​மாக உதவி பேராசிரியர் பணிக்​கான நியமனத் தேர்வு நடத்​தப்பட வேண்​டும். அதன்​படி, தேர்​வுக்கு விண்​ணப்​பித்​ததவர்​கள் அதற்​காக முழு மூச்​சில் தயா​ராகி வரும் நிலை​யில், செட் தேர்​வுக்​கான முடிவு அறிவிக்​கப்​ப​டா​மல் இருப்​பது அவர்​களை சோர்​வடையச் செய்​துள்​ளது.

இதுகுறித்து ஆசிரியர் தேர்வு வாரி​யத்​தின் உயர் அதி​காரி ஒரு​வரிடம் கேட்​ட​போது, “செட் தேர்வு தொடர்​பாக உயர் நீதி​மன்​றத்​தில் நிலு​வை​யில் உள்ள வழக்கு நிறைவடை​யும் தரு​வா​யில் உள்​ளது. வழக்கு முடிவுக்கு வந்​தவுடன் செட் தகு​தித்​தேர்வு முடிவு வெளி​யிடப்​பட்டு அதைத்​தொடர்ந்து உடனடி​யாக உதவி பேராசிரியர் பணிக்​கான போட்​டித்​தேர்வு நடத்​தப்​படும்” என்​றார்.

அந்த அதி​காரி மேலும் கூறும்​போது, “முதுகலை பட்​ட​தாரி ஆசிரியர் பதவி​யில் 1,915 இடங்​களை நிரப்​புவதற்​கான அறி​விப்பு ஆகஸ்ட் மாதம் வெளி​யிடப்​பட்டு நவம்​பரில் தேர்வு நடத்​தப்​படும் என வரு​டாந்​திர தேர்வு அட்​ட​வணை​யில் அறிவிக்​கப்​பட்​டது. அதன்​படியே முதுகலை ஆசிரியர் தேர்​வுக்​கான அறி​விப்பு ஆகஸ்ட் மாதம் வெளி​யிடப்​படும். தேர்வு நடத்​து​வதற்​கான முன்​னேற்​பாடு​கள் தற்​போது முழு​வீச்​சில் நடை​பெற்று வரு​கின்​றன. அரசு மேல்​நிலைப்​பள்​ளி​களில் முதுகலை ஆசிரியர் பணிக்கு கூடு​தல் காலி​யிடங்​கள் கேட்​கப்​பட்​டுள்​ளன. எனவே, காலிப்​பணி​யிடங்​கள் அதி​கரிக்க வாய்ப்​புள்​ளது. இந்த தேர்வு புதிய பாடத்​திட்​டத்​தின்​படி நடத்​தப்​படும்” என்​றார்.

டெட் தேர்வு இல்லை: இதற்​கிடையே, தமிழகத்​தில் கடந்த 2022-க்​கு பிறகு கடந்த 3 ஆண்​டாக ஆசிரியர் தகு​தித்​தேர்வு (டெட்) நடத்​தப்​ப​டாதது இடைநிலை ஆசிரியர்​களை​யும் பிஎட் முடித்த பட்​ட​தாரி ஆசிரியர்​களை​யும் கவலை​யில் ஆழ்த்​தி​யுள்​ளது. தமிழகத்​தில் டெட் தேர்வை ஆசிரியர் தேர்வு வாரி​யம் நடத்​துகிறது. தேசிய ஆசிரியர் கல்வி கவுன்​சில் (என்​சிடிஇ) விதி​முறை​யின்டி ஆண்​டுக்கு 2 தடவை டெட் தேர்வு நடத்​தப்பட வேண்​டும். இந்த விதி​முறை​யின்​படி, மத்​திய அரசு பள்ளி ஆசிரியர்​களுக்​கான ‘சி-டெட்’ தகு​தித்​தேர்வு ஆண்​டுக்கு 2 முறை திட்​ட​மிட்​டபடி நடத்​தப்​படு​கிறது. ஆனால், ஆசிரியர் தேர்வு வாரி​யம் ஏனோ அது​போன்று டெட் தேர்வை ஆண்​டு​தோறும் நடத்​து​வ​தில்​லை.

மேலும் 2025-ம் ஆண்டு வெளி​யிடப்​பட்ட வரு​டாந்​திர தேர்வு அட்​ட​வணை​யில் டெட் தேர்வு குறித்த அறி​விப்பு இடம்​பெற​வில்​லை. எனவே, இந்த ஆண்டு டெட் தேர்வு நடத்​தப்​படு​வதற்கு வாய்ப்பே இல்​லை. தற்​போது அரசு பள்​ளி​களில் பதவி உயர்​வுக்​கும் டெட் தேர்வு கட்​டாய​மாக்​கப்​பட்​டுள்​ளது. கடந்த 3 ஆண்​டாக டெட் தேர்வு நடத்​தப்​ப​டாத​தால் ஆசிரியர் பணி​யில் சேரு​வோர் மட்​டுமின்​றி, ஏற்​கெனவே பணி​யில் உள்ள ஆசிரியர்​களும் பதவி உயர்வு பெற முடி​யாமல் கடுமை​யாக பாதிக்​கப்​பட்​டுள்​ளனர்.

எனவே, ஆசிரியர் தேர்வு வாரி​யம் இவற்றை எல்​லாம் கருத்​தில்​கொண்டு சி-டெட் தேர்வு போல் டெட் தேர்​வை​யும் ஆண்​டு​தோறும் நடத்த வேண்​டும் என்று பாதிக்​கப்​பட்ட ஆசிரியர்​கள் வேண்​டு​கோள் விடுத்​துள்ளனர்.