இடைநிலை ஆசிரியர் பயிற்சி தேர்​வு: தனித்​தேர்​வர்​களுக்கு 14-ம் தேதி ஹால்​ டிக்​கெட்

சென்னை: இடைநிலை ஆசிரியர் பயிற்சி தேர்வெழுதும் தனித்தேர்வர்கள், ஹால்டிக்கெட்டை நாளை (14-ம் தேதி) இணையதளத்தில் பதிவிறக்கம் செய்துகொள்ளலாம் என அரசு தேர்வுத்துறை அறிவித்துள்ளது.

இதுதொடர்பாக அரசு தேர்வுகள் இயக்குநர் ந.லதா நேற்று வெளியிட்ட செய்திக்குறிப்பில் கூறியிருப்பதாவது:

தொடக்கக்கல்வி பட்டய தேர்வு (இடைநிலை ஆசிரியர் பயிற்சி) முதல் ஆண்டு மாணவர்களுக்கு மே 23 முதல் ஜூன் 2 வரையும், இரண்டாம் ஆண்டு மாணவர்களுக்கு ஜூன் 3 முதல் 11-ம் தேதி வரையும் நடைபெற உள்ளது.

இத்தேர்வுக்கு விண்ணப்பித்த தனித்தேர்வர்கள் (தட்கலில் விண்ணப்பித்தவர்கள் உட்பட) தேர்வுக்கான ஹால்டிக்கெட்டை அரசு தேர்வுத்துறையின் இணையதளத்தில் (www.dge.tn.gov.in) 14-ம் தேதி (புதன்கிழமை) பிற்பகல் முதல் பதிவிறக்கம் செய்துகொள்ளலாம். அப்போது தங்கள் விண்ணப்ப எண்ணையும், பிறந்த தேதி விவரத்தையும் உள்ளீடு செய்ய வேண்டும். இவ்வாறு அவர் கூறியுள்ளார்.