போலீஸாருக்கு சவால் விடும் மர்ம நபர்கள்: ரஜினி வீடு உட்பட 15 இடங்களுக்கு குண்டு மிரட்டல்

சென்னை: நடிகர் ரஜினி வீடு உட்பட 15 இடங்​களுக்கு வெடிகுண்டு மிரட்​டல்​கள் வந்​துள்​ளது. கடந்த சில மாதங்​களாகவே பல்வேறு பிரபலங்​களுக்​கும், தூதரகங்​கள், தலை​மைச் செயல​கம், ஆளுநர் மாளி​கை, உயர் நீதி​மன்​றம், பள்​ளி​கள், கல்​லூரி​கள், வழி​பாட்​டுத் தலங்​கள், விமானம் மற்​றும் ரயில் நிலை​யங்​கள் என பல்​வேறு இடங்​களுக்கு தொடர்ந்து வெடிகுண்டு மிரட்​டல்​கள் வரு​கின்​றன.

350-க்​கும் மேற்​பட்ட... அது​வும், டிஜிபி அலு​வலக இ-மெ​யில் முகவரிக்கே பெரும்​பாலான மிரட்​டல் மின்​னஞ்​சல்​கள் வரு​கின்​றன. அந்த வகை​யில், சென்​னை​யில் கடந்த 7 மாதங்​களில் 350-க்​கும் மேற்​பட்ட வெடிகுண்டு மிரட்​டல்​கள் வந்​துள்​ளன.

இந்நிலையில் நடிகர் ரஜினி, இயக்​குநர்​கள் கே.எஸ்​.ரவிக்​கு​மார், எஸ்​.ஏ.சந்​திரசேகர், பாஜக மூத்த நிர்​வாகி எச்​.​ராஜா, பிரேமலதா விஜய​காந்த் ஆகியோர் வீடுகள், 2 செய்தி நிறுவன அலு​வல​கம் உட்பட 15 இடங்​களுக்கு மிரட்​டல் வந்​தது. இதில் தொடர்​புடைய குற்​ற​வாளி​களை உடனடி​யாக கைது செய்ய வேண்​டும் என்ற கோரிக்கை வலுத்​துள்​ளது.

இதுகுறித்து போலீ​ஸார் கூறுகை​யில், “மிரட்​டல் விடுப்​பவர்​கள் மன நிலை பாதிக்​கப்​பட்​ட​வ​ராகவோ, பிறரின் பதற்​றத்​தில் இன்​பம் காணும் மனநிலை உள்​ளவர்​களாகவோ இருக்​கலாம். இருப்​பினும், நாங்​கள் வெடிகுண்டு மிரட்​டல்​களை சாதா​ரண​மாக எடுத்​துக் கொள்​ள​வில்​லை. குற்​ற​வாளி​கள் விரை​வில் கைது செய்​யப்​பட்டு சட்டத்​தின் முன் நிறுத்​தப்​படு​வார்​கள்” எனத் தெரி​வித்​தனர்.

டார்க் வெப் மிரட்​டல்​கள்... சைபர் க்ரைம் நிபுணர்​களிடம் கேட்​ட​போது, “டார்க் வெப் என மிரட்​டல்​கள் எந்த வழி​யாக வந்தா​லும் கண்​டு​பிடித்து விடலாம். இந்த வெப்​சைட்​டின் ஆர்​ஜின் ரஷ்​யா​வில் உள்​ள​தாக கருதப்​படு​கிறது. அந்​நாட்​டுடன் மத்​திய அரசு மூலம் தொடர்பு கொண்டு குற்​ற​வாளி​களைக் கண்​டறிந்து விடலாம். இதற்கு மெனக்​கெடல் வேண்​டும்” என்​றனர். வெடிகுண்டு மிரட்​டல் குற்​ற​வாளி​களை உடனடி​யாக கைது செய்து சிறை​யில் அடைக்க வேண்​டும் என்​பதே அனை​வரது எதிர்​பார்ப்​பாக உள்​ளது.