தனியார் தொழிற்சாலை பெண்கள் விடுதியின் குளியல் அறையில் ரகசிய கேமரா பொருத்திய வடமாநில பெண் கைது

ஓசூர்: கிருஷ்ணகிரி மாவட்​டம் ஓசூர் அருகே பெண் தொழிலா​ளர்​கள் விடுதி குளியல் அறை​யில் ரகசிய கேமரா பொருத்​திய வடமாநில பெண் கைது செய்​யப்​பட்​டார். ஓசூர் கெலமங்​கலம் அருகே நாகமங்​கலத்​தில் உள்ள தனி​யார் தொழிற்​சாலை​யில் பணிபுரி​யும் பெண்​கள் தங்​கும் விடுதி லாளிக்​கல் பகு​தி​யில் உள்​ளது. இங்கு 6 ஆயிரத்​துக்​கும் மேற்​பட்ட பெண்​கள் தங்கியுள்ளனர்.

இந்​நிலை​யில், விடுதி குளியல் அறை​யில் ரகசிய கேமரா பொருத்​தப்​பட்​டுள்​ள​தாக கூறி நேற்று முன்தினம் இரவு 2 ஆயிரத்​துக்​கும் மேற்பட்ட பெண்​கள் விடுதி முன்பு தர்​ணா​வில் ஈடு​பட்​டனர். தகவலறிந்து வந்த உதவி ஆட்​சி​யர் அக்​ரிதி சேத்தி மற்​றும் எஸ்​.பி. தங்​கதுரை ஆகியோர் விசா​ரணை நடத்​தினர். பதற்​ற​மான சூழல் நில​விய​தால் 100-க்​கும் மேற்​பட்ட போலீ​ஸார் பாது​காப்​புக்​காக குவிக்​கப்​பட்​டனர்.

விசா​ரணை​யில், அங்கு தங்​கி​யுள்ள ஒடிசா மாநிலத்​தை சேர்ந்த சக தொழிலாளி நீலுகு​மாரி குப்தா (22) என்​பவர் ரகசிய கேம​ராவைப் பொருத்​தி​யது தெரிய​வந்​தது. இதையடுத்​து, அவர் கைது செய்​யப்​பட்​டார். பின்​னர், தொழிலா​ளர்​கள் தர்​ணாவைக் கைவிட்​டனர். இதையறிந்த பெண் தொழிலா​ளர்​களின் பெற்​றோர் வெளி மாவட்​டங்​களி​லிருந்து நேற்று காலை விடு​திக்கு வரத் தொடங்​கினர்.

விடு​தி​யில் தங்​கி​யிருந்த பெண் தொழிலா​ளர்​களிடம் உதவி ஆட்​சி​யர் தலை​மை​யில் விசா​ரணை நடத்​தப்​பட்​டது. இதற்​கிடை​யில், 200-க்​கும் மேற்​பட்ட பெண்​கள் விடு​தியை காலி செய்​து​விட்​டு, தங்​கள் ஊர்​களுக்குப் புறப்​பட்டு சென்​றனர். இதுகுறித்து ஏடிஎஸ்பி சங்​கர் கூறும்​போது, “கேமரா பொருத்​தப்​பட்ட 30 நிமிடங்​களில் அகற்​றப்​பட்​டு​விட்​டது.

அதில் வீடியோ எது​வும் பதி​வாக​வில்​லை. வேறு அறை​களில் கேமரா பொருத்​தப்​பட்​டுள்​ளதா என்று 100-க்​கும் மேற்​பட்ட பெண் போலீ​ஸார் ஆய்வு செய்து வரு​கின்​றனர்” என்​றார். இதனிடையே மாவட்ட காவல் துறை வெளி​யிட்​டுள்ள செய்​திக்​ குறிப்​பில், “ரகசிய கேமரா பொருத்​தப்​பட்ட சம்​பவம் தொடர்பாக தவறான தகவல்​களை சமூக வலை​தளத்​தில் யாரும் பரப்​பக்​ கூடாது” என்​று எச்​சரித்​துள்​ளனர்​.

ஆண் நண்பர் கைது: இந்நிலையில், கைதான நீலுகு​மாரி குப்​தா​விடம் நடத்​திய விசா​ரணை​யில், பெங்​களூருவில் பணிபுரி​யும் அவரது ஆண் நண்​பர் சந்​தோஷ் என்​பவரின் ஆலோ​சனைப்​படி குளியல் அறை​யில் ரகசிய கேமரா பொருத்​தி​ய​தாக தெரி​வித்​தார். இதையடுத்​து, பெங்​களூரு சென்ற போலீ​ஸார் நேற்று மாலை சந்​தோஷை கைது செய்​து, அவரது செல்​போனை பறி​முதல் செய்​தனர். பின்​னர் அவரை ஓசூருக்கு அழைத்து வந்து விசா​ரித்​தனர். மேலும், விடுதி வார்​டன் சரி​தா​விட​மும் போலீஸார் வி​சா​ரணை மேற்கொண்டனர்​.