விஜய்யை கண்டித்து போஸ்டர்: இளைஞர் தற்கொலை வழக்கில் தவெகவினர் 4 பேர் மீது வழக்கு

நாகப்பட்டினம் / மேட்டூர்: ​நாகை அருகே விஜய்யை கண்​டித்து போஸ்​டர் ஒட்​டிய இளைஞர் தூக்​கிட்​டுத் தற்​கொலை செய்து கொண்ட சம்​பவத்​தில், தற்​கொலைக்கு தூண்​டிய​தாக தவெக​வினர் 4 பேர் மீது வழக்குப் பதிவு செய்​யப்​பட்​டுள்​ளது. கரூரில் தவெக பிரச்​சா​ரக் கூட்​டத்​தில் நெரிசலில் சிக்கி 41 பேர் உயி​ரிழந்த சம்​பவம் தொடர்​பாக தவெக தலை​வர் விஜய்யை கண்​டித்​தும், அவரை கைது செய்ய வலி​யுறுத்​தி​யும் தமிழகம் முழு​வதும் பல்​வேறு இடங்​களில் போஸ்​டர்​கள் ஒட்​டப்​பட்​டன.

இதே​போல, நாகை மாவட்​டம் பிர​தாப​ராமபுரம் கிராமத்​தில் போஸ்​டர் ஒட்​டிய வேளாங்​கண்​ணி​யைச் சேர்ந்த பரத்​ராஜிடம்​(25) தவெக நிர்​வாகி​கள் தகராறில் ஈடு​படும் வீடியோ சமூக வலை​தளத்​தில் பரவியது. பரத்​ராஜ் திமுக உறுப்​பினர் என்​றும், போஸ்​டர் ஒட்​டும் வேலை செய்து வந்​தார் என்​றும் கூறப்​படு​கிறது.

இதுகுறித்து தவெக​வினர் மீது கீழையூர் போலீ​ஸில் பரத்​ராஜ் செப்​.29-ம் தேதி புகார் அளித்​தார். ஆனால், அந்​தப் புகார் மீது எவ்​வித நடவடிக்​கை​யும் எடுக்​காத நிலை​யில், செப். 30-ம் தேதி பரத்​ராஜ் தூக்​கிட்​டுத் தற்​கொலை செய்து கொண்​டார். இந்​நிலை​யில், தவெக கீழையூர் தெற்கு ஒன்​றியச் செய​லா​ளர் திவாகர் உட்பட அக்​கட்​சி​யினர் 4 பேர் மீது பரத்​ராஜை தற்​கொலைக்கு தூண்​டியது உள்​ளிட்ட 4 பிரிவு​களில் கீழையூர் போலீ​ஸார் வழக்​குப் பதிவு செய்​து, தலைமறை​வாக உள்ள 4 பேரை தேடி வரு​கின்​றனர்.

திமுக நிர்​வாகி​யிடம் வாக்​கு​வாதம்: சேலம் மாவட்​டம் மேட்​டூரை அடுத்த பொட்​டனேரி நான்கு ரோடு பகு​தி​யில் இதே​போன்ற போஸ்​டர் ஒட்​டப்​பட்​ட​போது, தவெக​வினர் திரண்டு சுவரொட்டி ஒட்​டக்​கூ​டாது என வாக்​கு​வாதத்​தில் ஈடு​பட்​டனர். அங்​கிருந்த திமுக ஒன்​றிய துணைச் செய​லா​ளர் முரு​க​னிடம், தவெக மேற்கு ஒன்​றி​யத் தலை​வர் மகேந்​திரன் தலை​மையி​லான நிர்​வாகி​கள் கடும் வாக்​கு​வாதத்​தில் ஈடு​பட்​ட​தால் அப்​பகு​தி​யில் பரபரப்பு ஏற்​பட்​டது.

தகவலறிந்து வந்த மேச்​சேரி போலீ​ஸார் இரு தரப்​பினரை​யும் சமா​தானப்​படுத்​தி, அங்​கிருந்து அனுப்​பி​வைத்​தனர். இதனிடையே, தவெக தலை​வர் விஜய்க்கு ஆதர​வாக ஓமலூர் காமலாபுரம் கிராமத்​தில் சுவரொட்டி ஒட்​டப்​பட்​டுள்​ளது.