வங்கி காசோலையில் போலி கையொப்பம்: அமெரிக்க வாழ் இந்தியர்களின் வங்கிக் கணக்கிலிருந்து ரூ.8 கோடி மோசடி

சென்னை: போலி​யாக கையெழுத்​திட்டு அமெரிக்​க​வாழ் இந்​தி​யர்​களின் வங்கி கணக்​கு​களி​லிருந்து ரூ.8 கோடிக்கு மேல் மோசடியில் ஈடு​பட்​ட​தாக வங்கி அதி​காரி, ஊழியர்​கள் என 3 பேர் கைது செய்​யப்​பட்​டுள்​ளனர். திண்​டுக்​கல்​லைச் சேர்ந்​தவர் அர்​ஜுன் பாண்​டியன். இவர் சென்னை காவல் ஆணை​யர் அலு​வல​கத்​தில் புகார் மனு ஒன்றை அளித்​திருந்​தார்.

அதில், “எனது உறவினர் தீனத​யாளன் தினகர் பாண்​டியன் அவரது மனைவி சித்​ரா​வுடன் அமெரிக்​கா​வில் பணி​யாற்றிஅங்​கேயே வசித்து வரு​கிறார்.அவர்​கள் சென்னை அண்ணா நகரில் உள்ள வங்​கிக்கிளை ஒன்​றில் வெளி​நாட்டு வாழ் இந்​தி​யர்​களுக்​கான 3 வங்​கிக் கணக்​கு​களைத் தொடங்கி பராமரித்து வரு​கின்​றனர்.

அவர்​களு​டைய இந்த வங்​கிக்கணக்​கு​களி​லிருந்து 2015 முதல் 2020 வரையி​லான காலக்​கட்​டத்​தில் அவர்​களின் அனு​ம​தி​யில்​லாமல் காசோலை மற்​றும் வவுச்​சர்​களில் வங்கி அலு​வலர்​கள் போலி​யாக கையொப்​பமிட்டு வங்​கிக் கணக்​கி​லிருந்து ரூ.1 கோடியே 43 லட்​சத்து 25 ஆயிரத்தை எடுத்து மோசடி செய்​துள்​ளனர். இந்த மோசடி​யில் ஈடு​பட்​ட​வர்​கள் மீது நடவடிக்கை எடுத்து பணத்தை மீட்​டுத் தர வேண்​டும்” என தெரி​வித்​திருந்​தார்.

இதுகுறித்து சென்னை மத்​திய குற்​றப்​பிரிவு கூடு​தல் காவல் ஆணை​யர் ராதிகா மேற்​பார்​வை​யில் வங்கி மோசடி புல​னாய்​வுப் பிரிவு போலீ​ஸார் விசா​ரணை நடத்​தினர். இதில் அமெரிக்​கா​வில் வசிக்​கும் தீனத​யாளன், சித்ரா தம்​ப​தி​யின் வங்​கிக் காசோலை​யில் போலி​யாக கையொப்​பமிட்​டு, வங்கி அலு​வர்​களால் பணப்​பரி​மாற்​றம் செய்​யப்​பட்டு பண மோசடி செய்​யப்​பட்​டது கண்​டறியப்​பட்​டது.

இந்த மோசடி தொடர்​பாக சம்​பந்​தப்​பட்ட வங்​கி​யின் துணை மேலா​ளர் அமைந்​தகரையைச் சேர்ந்த வேணுகோ​பால் (50), காசாளர்​கள் கொரட்​டூரைச் சேர்ந்தகுலோத்​துங்​கன் (49), தனசேகரன் (41) ஆகிய 3 பேரும் கைது செய்​யப்​பட்​டனர். விசா​ரணை​யில் இவர்​கள் இதே பாணி​யில் பல வெளி​நாட்டு வாழ் இந்​தி​யர்​களின் பணம் ரூ.8 கோடிக்கு மேல் ஏமாற்​றியது தெரிய​வந்​துள்​ள​தாக போலீஸார் கூறினர்.