சென்னை | முன்சீட்டில் இருப்பவர் மீது கால் பட்டதால் திரையரங்கில் மோதலில் ஈடுபட்ட 3 இளைஞர்கள் கைது 

சென்னை: ​திரையரங்​கில் இருதரப்​பினரிடையே பயங்கர மோதல் ஏற்​பட்​டது. இது தொடர்​பாக 3 பேர் கைது செய்​யப்​பட்​டுள்ளனர். கடலூர் மாவட்​டத்​தைச் சேர்ந்​தவர் ஜெகா (21). சென்​னை​யில் தங்​கி, உணவு டெலிவரி நிறு​வனத்​தில் வேலை செய்து வரு​கிறார்.

இவர் அவரது நண்​பர்​கள் சந்​தோஷ், சிவா, விக்கி ஆகியோ​ருடன் கடந்த 28-ம் தேதி இரவு, வடபழனி​யில் உள்ள திரையரங்​கில் இரவுக் காட்சி பார்த்​துக் கொண்​டிருந்​தார். பாட்டில், கட்டையால் தாக்குதல் அப்​போது, ஜெகா​வின் நண்​பர் சந்​தோஷின் கால் முன் சீட்​டில் இருப்​பவரின் மீது பட்​டுள்​ளது.

இதனால், அந்த சீட்​டில் அமர்ந்து படம் பார்த்​துக் கொண்​டிருந்த இளைஞர் கோபம் அடைந்து திட்​டி​னார். இதையடுத்​து, நண்​பருக்காக ஜெகா மன்​னிப்பு கேட்​டார். இருப்​பினும், இரு தரப்​பினரும் ஒரு​வரை ஒரு​வர் முறைத்​துக் கொண்டே இருந்​தனர். பின்​னர், படம் முடிந்த உடன் ஜெகா நண்​பர்​களு​டன் திரையரங்கை விட்டு வெளியே வந்​தார்.

இதற்​கிடை​யில், முன்​ன​தாக எதிர்தரப்​பினர் போன் மூலம் அவர்​களது நண்​பர்​களை திரையரங்க வளாகத்​துக்கு வரவழைத்​துள்ளனர். ஜெகா மற்​றும் அவரது நண்​பர்​கள் இருசக்கர வாகன நிறுத்​து​மிடத்​துக்கு சென்​ற​போது தயா​ராக நின்று கொண்​டிருந்த கும்பல் ஜெகாவை​யும் அவரது நண்​பர்​கள் மூவரை​யும் பீர் பாட்​டில், கட்​டை​யால் சரமாரி​யாகத் தாக்​கியது. ஜெகா தரப்​பினர் எதிர்தாக்​குதல் நடத்​தினர். இருப்​பினும், அந்த கும்​பலை சமாளிக்க முடிய​வில்​லை.

இதில், காயம் அடைந்த ஜெகா உள்​ளிட்ட 4 பேரும் அரு​கில் உள்ள மருத்​து​வ​மனை​யில் சிகிச்​சைக்​காக சேர்க்​கப்​பட்​டனர். தகவல் அறிந்து வடபழனி காவல் நிலைய போலீ​ஸார் திரையரங்க சிசிடிவி கேமரா காட்​சிகளைக் கைப்​பற்றி ஆய்வு செய்​தனர்.

இதில், தாக்​குதலில் ஈடு​பட்​டது அம்​பத்​தூர் மேனாம்​பேடு பகு​தி​யைச் சேர்ந்த தனுஷ் (23), கோடம்​பாக்​கத்தை சேர்ந்த ஈஸ்​வரன் (27), நுங்கம்​பாக்​கத்​தைச் சேர்ந்த ராகேஷ் குமார் (27) என்​பது தெரிந்​தது. அந்த 3 பேரை​யும் போலீ​ஸார் கைது செய்​தனர். பின்​னர், அவர்​களை நீதி​மன்​றக் காவலில் சிறை​யில் அடைத்​தனர்​. தொடர்ந்​து வி​சா​ரணை நடை​பெற்​று வரு​கிறது.