மாஸ்க் பட தலைப்புக்கு இயக்குநர் எதிர்ப்பு

க​வின், ருஹானி சர்​மா, ஆண்ட்​ரியா உள்​ளிட்ட பலர் நடித்​துள்ள படம், ‘மாஸ்க்’.

விகர்​ணன் அசோக் இயக்​கி​யுள்ள இப்​படம் நவ.21-ம் தேதி வெளி​யாக இருக்​கிறது. இந்​நிலை​யில் இந்​தப் படத்​தின் தலைப்பு தன்​னுடையது என்று இதே பெயரில் படம் இயக்​கி வரும் புதுகை மாரிஸா என்​பவர் தெரிவித்துள்​ளார்.

இதுபற்றி அவர் கூறும்​போது, “2017-ம் ஆண்டு இத்​தலைப்பை தயாரிப்​பாளர் கில்​டில் பதிவு செய்​தேன். தொடர்ந்து ஒவ்​வொரு வருட​மும் புதுப்​பித்து வந்​தேன். பிளாக்​ பாண்​டி, சென்ட்​ராயன், வடிவுக்​கரசி, ஷகீலா ஆகியோர் நடிப்​பில், ‘மாஸ்க்’ படத்தை ஹாரர் காமெடி​யாக உரு​வாக்கி​யுள்​ளேன்.

வெற்​றி​மாறன் தயாரிப்​பில் ‘மாஸ்க்’ படம் உரு​வாக்​கப்​படு​வ​தாக தகவல் வந்​ததும் கில்டு தலை​வர் ஜாக்​கு​வார் தங்​கத்​திடம் முறை​யிட்​டேன். டைட்​டில் உங்​களு​டையது​தான், யாருக்​கும் என்​ஓசி தரவில்லை என்று உறுதி அளித்​தார். தற்​போது வெளி​யீட்​டுத் தேதி குறிப்​பிட்டு போஸ்​டர் வந்த பிறகு அவரிடம் கேட்​ட​போது எந்த பதி​லும் இல்​லை.

இதுகுறித்து தயாரிப்​பாளர் சங்​கம், பெப்​சி, இயக்​குநர்​கள் சங்​கம் மூன்​றி​லும் முறை​யிட்​டும் எந்த பதி​லும் இல்​லை. என் படம் முழு​மை​யாக முடிந்து சென்​சா​ருக்கு தயா​ராகி​விட்ட நிலை​யில் எனக்கு நியா​யம் வேண்​டும்” என்​று தெரி​வித்​துள்​ளார்​.