‘ரிவால்வர் ரீட்டா’ ட்ரெய்லர் எப்படி? - கீர்த்தி சுரேஷின் ஆக்‌ஷனும் டார்க் காமெடியும்!

கீர்த்தி சுரேஷ் நடித்துள்ள ‘ரிவால்வர் ரீட்டா’ படத்தின் ட்ரெய்லர் வெளியாகியுள்ளது.

ஜே.கே சந்துரு இயக்கத்தில் கீர்த்தி சுரேஷ், ராதிகா சரத்குமார், ரெடின் கிங்ஸ்லி, மைம் கோபி, சூப்பர் சுப்பராயன், அஜய் கோஷ், ஜான் விஜய் உள்ளிட்ட பலர் நடித்துள்ள படம் ‘ரிவால்வர் ரீட்டா’. இதற்கு ஒளிப்பதிவாளராக தினேஷ் கிருஷ்ணன், இசையமைப்பாளராக ஷான் ரோல்டன் பணிபுரிந்துள்ளார். முழுக்க காமெடி த்ரில்லர் பாணியில் இப்படத்தினை உருவாக்கி இருக்கிறார்கள். இப்படம் வரும் நவ. 28 திரையரங்குகளில் வெளியாகிறது.

ட்ரெய்லர் எப்படி? - நெல்சனின் முதல் படமான ‘கோலமாவு கோகில’வை ட்ரெய்லர் நினைவுப்படுத்துகிறது. ஒரு குடும்பம், அதற்கு வரும் பிரச்சினையை குடும்ப பெண்கள் முன்னின்று தீர்த்து வைப்பது. முழுக்க முழுக்க டார்க் காமெடியுடன் கூடிய த்ரில்லர் கதையாக உருவாக்கியுள்ளனர். ட்ரெய்லரிலேயே பல இடங்களில் காமெடி ஒர்க் ஆகியிருக்கிறது. ஷான் ரோல்டனின் இசை இதில் வேறு பாணியில் புதிய பரிணாமத்தை எட்டியிருக்கும் என்ற நம்பிக்கை பிறக்கிறது. ‘ரிவால்வர் ரீட்டா’ ட்ரெய்லர் வீடியோ: