2025-ல் இதுவரை 231 திரைப்படங்கள் ரிலீஸ்: 23 மட்டுமே சக்சஸ் சாதனைக்கு வாய்ப்பு

இந்த ஆண்டு (2025), ஜனவரி முதல் அக்​டோபர் வரை 231 திரைப்​படங்​கள் வெளி​யாகி​யுள்​ளன. இதனால் இந்த வருடம் வெளி​யாகும் படங்​களின் எண்​ணிக்கை சாதனை படைக்கும் என்று தெரி​கிறது.

தமிழ் சினி​மா​வில் தயாரிக்​கப்​படும் திரைப்​படங்​களின் எண்​ணிக்​கை, கரோனா கால​கட்​டத்​துக்​குப் பிறகு கொஞ்​சம் கொஞ்​ச​மாக அதி​கரித்​து​ வரு​கின்​றன. டிஜிட்​டல் வந்த பிறகு, படம் உரு​வாக்​கு​வதற்​கான வாய்ப்​பு​கள் எளி​தாகி இருப்​ப​தால் சிலர் சொந்​த​மாகத் தயாரித்து இயக்​கத் தொடங்​கி​யுள்​ளனர். ‘திரைப்​படங்​கள் ஓரளவு பேசப்​பட்​டால் போதும், ஓடிடி-​யில் விற்​று​ விடலாம்’ என்ற நம்​பிக்​கை​யிலும் சிறு​பட்​ஜெட் படங்​களைத் தயாரிப்​பது அதி​கரித்து வரு​கிறது.

தயாரிப்​புச் செல​வைக் குறைப்​ப​தற்​காக, பல தொழில்​நுட்ப விஷ​யங்​களைக் குறைந்த செல​வில் பயன்​படுத்த முடி​யும் என்​பதும் இதற்​குக் காரணம் என்​கிறார்​கள். ரூ.50, 60 லட்​சத்​தில் படங்​களைத் தயாரிக்க முடி​யும் என்​ப​தால் வசதி​யானவர்​கள், தாங்​களே ஹீரோ​வாக நடித்து தயாரித்து வரு​வதும் அதி​கரித்​துள்​ளது. இந்​நிலை​யில், இந்த வருடம் ஜனவரி​யில் இருந்து அக்​டோபர் 31-ம் தேதி வரை, 231 - திரைப்​படங்கள் ரிலீஸ் ஆகி​யுள்​ளன. கடந்த 2024-ம் ஆண்டு அக்​டோபர் வரை, இந்த எண்​ணிக்கை 206 -ஆக இருந்​தது. இந்​தாண்டு அதி​கரித்​திருக்​கிறது.

இது​வரை வெளி​யாகி இருக்​கிற 231 படங்​களில் 23 படங்​கள் மட்​டுமே வெற்றி பெற்​றிருக்​கின்​றன. மதகஜ​ராஜா, டிராகன், குடும்​பஸ்​தன், பயர், மர்மர், பெருசு, குட் பேட் அக்​லி, லெவன், ரெட்​ரோ, டூரிஸ்ட் பேமிலி, மாமன், குபே​ரா, டிஎன்ஏ, மார்​கன், 3பிஎச்​கே, பறந்து போ, தலை​வன் தலை​வி, மாரீசன், கூலி, சக்தி திரு​மகன், இட்லி கடை, டியூட், பைசன் ஆகிய 23 படங்​கள் வணிக ரீதி​யான வெற்​றியை பெற்​றுள்ளன என்​கிறார்​கள். வெற்றி சதவி​கிதம் 231 திரைப்​படங்​களில் 10 சதவீதம் மட்​டுமே!

கடந்த அக்​டோபர் மாதம் மட்​டும் 26 படங்​கள் வெளி​யாகி​யுள்​ளன. இதில் ‘இட்லி கடை’, ‘டியூட்’, ‘பைசன்’ மொழி​மாற்று படமான ‘காந்​த​ரா: சாப்​டர் 1’ ஆகிய படங்​கள் அதி​கம் வசூலித்​துள்​ளன. இதில் ‘டியூட்’, மொத்​தம் ரூ.100 கோடி வசூலைத் தாண்​டி​யுள்​ளது. ‘காந்​தா​ரா: சாப்​டர் 1’, தமிழில் மட்​டும் ரூ.72 கோடிக்கு மேல் வசூலித்​துள்​ளது குறிப்​பிடத்​தக்​கது.

இந்த வருடம் முடிவதற்கு இன்​னும் 2 மாதம் இருப்​ப​தால், வெளி​யாகும் படங்​களின் எண்​ணிக்கை முந்​தைய வருடங்​களை விட அதி​கரிக்​கும் என்று தெரி​கிறது. அதாவது நவம்​பரில் மட்​டும் 20 திரைப்​படங்​கள் வெளி​யாக இருக்​கின்​றன. இந்த வருடத்​தின் கடைசி மாத​மான டிசம்​பரில் 20-ல் இருந்து 25 படங்​கள் வரை வெளி​யாக வாய்ப்​பிருக்​கிறது. அப்​படி​யென்​றால் இந்த வருடம் 276 படங்​கள் வெளி​யாகி சாதனைப் படைக்​கும் என்​கிறார்​கள். இதற்கு முன் தமிழில் இத்​தனைப் படங்​கள் வெளி​யாக​வில்​லை.

“சினிமா இப்​போது எளி​தாகி​விட்​டது. சுதந்​திர​மான ஒன்​றாகி​விட்​டது. சாதாரண கேமரா மூலம் எங்​காவது ஓர் ஊரிலிருந்து கொண்டு சினிமா எடுத்​து​விட முடி​யும். ஆனால் இதில் பல திரைப்​படங்​கள் சினி​மாவுக்​கான எந்த தரமும் இல்​லாதவை. ஆனாலும் இப்​படங்​களும் கணக்​கில் வந்து விடு​கின்​றன. இந்த எண்​ணிக்​கை​யில் சுமார் 150 படங்​கள் மட்​டுமே திரைப்​படத்​துக்​கான இலக்​கணத்​துடன் உரு​வானவை​யாக இருக்​கும். மற்​றவை குறும்​படம் எடுப்​ப​தற்​குப் பதில் திரைப்​படம் எடுத்​த​தாகவே கொள்ள முடி​யும். இதனால் திரைத்​துறைக்கு எந்த பா​திப்​பும் இல்லை என்​றாலும்​ பார்​வை​யாளர்​கள்​ சோர்​வடை​வார்​கள்​” என்​கிறார்​ தயாரிப்​பாளர்​ ஒருவர்​.