அஜித்தை இயக்கும் லோகேஷ் கனகராஜ்?

லோகேஷ் கனகராஜ் இயக்கவுள்ள அடுத்த படத்தில் அஜித் நடிக்கவிருப்பதாக தகவல்கள் வெளியாகியுள்ளன.

ரஜினி – கமல் இணையும் படத்தினை லோகேஷ் கனகராஜ் இயக்கவில்லை என்பது முடிவாகிவிட்டது. இதனால், அவரது அடுத்த படத்தின் நாயகன் யார் என்ற கேள்வி எழுந்தது. லோகேஷ் கனகராஜ் இயக்கவுள்ள அடுத்த படத்தினை ரெட் ஜெயன்ட் மூவிஸ் மற்றும் ராஜ்கமல் நிறுவனம் இணைந்து தயாரிக்க முன்வந்திருக்கிறது.

இப்படத்தில் அஜித் நடிக்கவிருப்பதாக தகவல் வெளியாகி இருக்கிறது. இது தொடர்பாக பேச்சுவார்த்தை தொடங்கப்பட்டு இருக்கிறது. இதுவரை அஜித் – லோகேஷ் கனகராஜ் சந்திப்பு நடைபெறவில்லை. இன்னும் ஓரிரு நாட்களில் இந்த சந்திப்பு நடைபெறும் என்று திரையுலக வட்டாரங்கள் தெரிவிக்கின்றன.

ஆதிக் ரவிச்சந்திரன் இயக்கவுள்ள படத்தினை முடித்துவிட்டு, லோகேஷ் கனகராஜ் படத்தில் அஜித் நடிக்கவுள்ளார். விரைவில் நடைபெறும் சந்திப்பில் இந்தக் கூட்டணி உருவாகுமா என்பது தெரிந்துவிடும். தற்போது அருண் மாதேஸ்வரன் இயக்கிவரும் ‘டிசி’ படத்தில் நாயகனாக கவனம் செலுத்தி வருகிறார் லோகேஷ் கனகராஜ்.