என் முதுகில் பலர் குத்தி இருக்கிறார்கள்: நடிகர் ஆனந்தராஜ் வருத்தம்

ஆனந்தராஜ், ‘பிக்​பாஸ்’ சம்​யுக்​தா, முனீஸ்​காந்த், தீபா, சசில​யா, ராம்​ஸ், ஆனந்த் பாபு, ஷகிலா உள்​ளிட்ட பலர் இணைந்து நடித்​துள்ள திரைப்​படம், ‘மெட்​ராஸ் மாஃபியா கம்​பெனி’. அண்ணா புரொடக்‌ஷன்ஸ் சார்​பில் வி.சுகந்தி அண்​ணாதுரை தயாரித்​துள்ள இப்​படத்தை ஏ.எஸ்​.​முகுந்​தன் இயக்​கி​யுள்​ளார்.

ஒரு தாதா​வின் வாழ்​வில் ஏற்​படும் மாற்​றங்​களைச் சொல்​லும் படமாக உரு​வாகி​யுள்ள இப்​படத்​துக்கு அசோக்​ராஜ் ஒளிப்​ப​திவு செய்​துள்​ளார். காந்த் தேவா இசையமைத்​துள்​ளார். விரை​வில் வெளி​யாக இருக்​கும் இப்​படத்​தின் இசை வெளி​யீட்டு விழா, சென்​னை​யில் நடை​பெற்​றது. விழா​வில் ஆனந்​த​ராஜ் பேசி​ய​தாவது:

எனக்​குக் கிடைத்த எல்லா இயக்​குநர்​களும் நல்ல இயக்​குநர்​கள் தான், அவர்​களால் தான் நான் இந்த அளவு வளர்ந்​துள்​ளேன். நானும் ஆர்.கே.செல்​வ​மணியும் ஒன்​றாகப் படித்​தவர்​கள். அப்​போது என்னை யாருக்​கும் பிடிக்காது, அப்​போதே ரவுடித்​தனம் பண்ண ஆரம்​பித்​ததுதான் காரணம். தயாரிப்​பாளர் அண்​ணாதுரை முதலில், இந்​தக் கதையைச் சொல்ல வந்த போது, நான் வேண்​டாம் என்று மறுத்து விட்​டேன். மீண்​டும் மீண்​டும் கேட்​ட​தால் கதை கேட்க ஒப்​புக்​கொண்​டேன்.

‘எனக்கு சம்​பளம் தந்​து​விடு​வீர்​கள், டெக்​னீஷின்​களுக்​கும் சரி​யாகத் தந்​து​விடு​வீர்​களா?’ என கேட்​டேன், அதை சரி​யாக செய்​து​விட்​டார். என்​னால் பயந்து நடிக்​க​வும் முடி​யும், பயமுறுத்​த​வும் முடி​யும். அந்த திறமை உள்​ளது. பணம் மட்​டும் முக்​கியமில்​லை, பணம் இருந்​தால் மகிழ்ச்​சி​யாக இருக்​கலாம், பணம் நிறைய வந்​து​விட்​டால் அது முக்​கிய​மாகி​விடும், மகிழ்ச்சி போய்​விடும். நான் நானாக வந்​தவன் தான்.

என்​னைப் பல பேர் முதுகில் குத்​தி​யுள்​ளார்​கள், அதையெல்​லாம் தாண்​டித்​தான் வந்​துள்​ளேன். ‘மெட்​ராஸ் மாஃபியா கம்​பெனி' குறித்த நேரத்​தில் முடிய காரணம் இயக்​குநர் தான். அவருக்கு நன்​றி. இதில் கதை நாயக​னாக நடித்​துள்​ளேன். இவ்​​வாறு ஆனந்​த​ராஜ் கூறி​னார்​.

படக்​குழு​வினருடன்​ இயக்​குநர்​கள் ஆர்.கே.செல்வமணி,​ பேரரசு, ஆர்​.​வி.உதயகு​மார்​ உள்​பட பலர்​ கலந்துகொண்​டனர்​.