ஆடிஷனில் அசத்திய அறிமுக ஹீரோ: புகழ்கிறார் இயக்குநர்

அறிமுக நடிகர் ஆதித்யா மாதவன், கவுரி ஜி கிஷன், அஞ்சு குரியன், முனிஷ்காந்த், ஹரீஷ் பெேரடி, மாலா பார்வதி, ஜகன், ஆர்.சுந்தர்ராஜன் உள்ளிட்ட பலர் நடித்துள்ள படம், ‘அதர்ஸ்’. மெடிக்கல் க்ரைம் த்ரில்லர் படமான இதை அபின் ஹரிஹரன் இயக்கியுள்ளார்.

கிராண்ட் பிக்சர்ஸ் முரளி தயாரித்துள்ள இந்தப் படத்தை கார்த்திக் ஜி இணைத் தயாரிப்பு செய்துள்ளார். இதன் செய்தியாளர்கள் சந்திப்பு சென்னையில் நடைபெற்றது.

இயக்குநர் அபின் ஹரிஹரன் கூறும்போது, “ஒரு வருடப் பயணத்துக்குப் பிறகு ‘அதர்ஸ்’ உருவாகியுள்ளது. இக்கதைக்கு புது ஹீரோவைத்தான் தேடினேன். அதற்காக ஆடிஷன் நடத்தி ஆதித்யா மாதவனைத் தேர்வு செய்தோம். அவர் கேரளா என்றாலும் தமிழ் கற்றுக்கொண்டு நடித்திருக்கிறார். ஆடிஷனிலேயே அசத்தினார். அவர் கடின உழைப்பைக் கொடுத்துள்ளார்.

கவுரி, அஞ்சு குரியன், ஹரீஷ் பெரேடி உள்ளிட்ட பல அனுபவமுள்ள நடிகர்கள் சிறப்பாக நடித்துள்ளனர். ஆதித்யா கடின உழைப்பைத் தந்துள்ளார். பார்வையாளர்களுக்கு இந்தப் படம் புது அனுபவத்தைத் தரும்” என்றார்.