நடிப்பில் இருந்து ஓய்வு பெறப் போகிறாரா ரஜினி?

நடிகர் ரஜினி​காந்த், லோகேஷ் கனக​ராஜ் இயக்​கத்​தில் ‘கூலி’ படத்​தில் நடித்​திருந்​தார். இதை அடுத்து ‘ஜெ​யிலர் 2’ படத்​தில் நடித்து வரு​கிறார். நெல்​சன் திலீப்​கு​மார் இயக்​கும் இந்​தப் படத்​தில் ரம்யா கிருஷ்ணன், சுராஜ் வெஞ்​சரமூடு, எஸ்​.ஜே.சூர்​யா, யோகி​பாபு, மிர்னா ஆகியோர் நடிக்​கின்​றனர்.

இதை அடுத்து சுந்​தர்​.சி இயக்​கும் படத்​தில் அவர் நடிக்க இருப்​ப​தாகக் கூறப்​படு​கிறது. சுந்​தர்​.சி சொன்ன லைன் பிடித்​திருந்​த​தாக​வும் முழுக் கதையை​யும் அவர் கேட்​க​வில்லை என்​றும் கூறப்​படு​கிறது.

இதற்​கிடையே கமல்​ஹாசனுடன் இணைந்து ஒரு படத்​தில் நடிக்​கப் போவ​தாகத் தகவல் வெளி​யானது. இதை கமல்​ஹாசனும் ரஜினி​காந்​தும் உறு​திப்​படுத்தி இருந்​தனர். ஆனால் இதற்​கான கதை கிடைக்​க​வில்லை என்று ரஜினி​காந்த் கூறி​யிருந்​தார். இதை நெல்​சன் இயக்​கு​வார் என்​றும் 2027-ல் இப்​படத்​தின் படப்​பிடிப்பு தொடங்​கும் என்​றும் கூறப்​படு​கிறது.

இப்​படத்தை கமல்​ஹாசனே தயாரிக்க இருக்​கிறார். இந்​தப்​படம் தான் ரஜினி​காந்​தின் கடைசி படம் என்​றும் அதன் பிறகு நடிப்​பிலிருந்து அவர் ஓய்வு பெறலாம் என்​றும் சினிமா வட்​டாரத்​தில் கூறி வருகின்​றனர்​.