திரையரங்க உரிமையாளர்களுக்கு நடப்பு தயாரிப்பாளர்கள் கோரிக்கை

திரையரங்க உரிமையாளர்களுக்கு நடப்பு தயாரிப்பாளர்கள் கோரிக்கை தமிழ் திரைப்பட நடப்பு தயாரிப்​பாளர் சங்​கத்​தின் வரு​டாந்​திரப் பொதுக்​குழு கூட்​டம் சமீபத்​தில் நடை​பெற்​றது. இதில் அதன் தலை​வர் டி.ஜி.​தி​யாக​ராஜன், பொதுச் செய​லா​ளர் டி.சி​வா, பொருளாளர் தனஞ்​செயன் உள்பட நிர்​வாகி​கள் கலந்​து​கொண்​டனர்.

அ​தில், “தமிழ்​நாட்​டில் 1,150 திரையரங்​கங்​கள் உள்​ளன. அவற்றை ஒருங்​கிணைத்து பாக்ஸ் ஆஃபிஸ் வசூலில் வெளிப்​படைத் தன்​மைக் கொண்டு வர ஒருங்​கிணைக்​கப்​பட்ட மென்​பொருளைக் கொண்டு மையப்​படுத்​தப்​பட்ட ஆன்​லைன் பாக்ஸ் ஆபிஸ் கண்​காணிப்பு மென்​பொருள் அமைப்பு (Centralized, Online Box Office Tracking Software System) வேண்​டுமென்று நமது சங்​கத்​தின் மூலம் கோரிக்கை வைக்​கப்​பட்​டுள்​ளது.

அவ்​வகை​யில் ஒருங்​கிணைக்​கப்​பட்ட மென்​பொருளைக் கொண்டு வர தமிழ்​நாடு திரையரங்கு மற்​றும் மல்​டிபிளஸ் உரிமை​யாளர்​கள் சங்​க​மும், தமிழ்​நாடு திரைப்பட நடப்பு விநி​யோகஸ்​தர்​கள் சங்​க​மும் முழு ஒத்​துழைப்பு தரு​மாறு இந்த பொதுக்​குழு கேட்​டுக்​கொள்​கிறது.

ஆன்​லைன் டிக்​கெட் புக்​கிங்​கில் கட்​ட​ணம் வசூலிக்​கும் புக் மை ஷோ, ஸோமோட்டோ டிஸ்ட்​ரிக்ட் போன்ற நிறு​வனங்​கள் அந்​தந்த திரைப்​படத்​தின் தயாரிப்​பாளர்​களுக்​கும் ஒரு ஷேர் தர வேண்​டும். திரையரங்கு உரிமை​யாளர்​கள், தயாரிப்​பாளர்​கள் மற்​றும் ஆன்​லைன் டிக்​கெட் புக்​கிங் செய்​யும் நிறு​வனம் என மூவருக்​கும் சரிச​மாக ஷேர் தரப்பட வேண்​டும்.

தென்​னிந்​திய தொழிலா​ளர்​கள் சம்​மேளம் (பெப்​சி) தொடங்​கி​யுள்ள பெஸ்ரா அமைப்​பின் மூலம், ஸ்வைப் கார்டு உதவி​யுடன் தொழிலா​ளர்​கள் வரு​கையை பதிவு செய்து அதன்​படி அவர்​களுக்கு வாரா​வாரம் சம்​பளம் வழங்​கும் முறைக்​கு, தமிழ் திரைப்பட நடப்பு தயாரிப்​பாளர்​கள் சங்க உறுப்​பினர்​கள் முழு ஒத்​துழைப்​பு தரு​வதென முடிவு செய்​துள்​ளனர்​ என்​பது உள்​பட பல்​வேறு முடிவு​கள்​ எடுக்​கப்​பட்​டன.