‘பராசக்தி’ படப்பிடிப்பு நிறைவு: சிவகார்த்திகேயன் - சிபி சக்கரவர்த்தி திரைப்பட ஷூட்டிங் எப்போது?

‘மதராஸி’ படத்தை அடுத்து, சிவகார்த்திகேயன் நடிக்கும் படம், ‘பராசக்தி’. இது அவருடைய 25-வது படம். சுதா கொங்கரா இயக்கும் இதில் ரவி மோகன், லீலா, அதர்வா, பசில் ஜோசப், ராணா முக்கிய கதாபாத்திரங்களில் நடித்துள்ளனர். டான் பிக்சர்ஸ் தயாரித்துள்ள இப்படத்துக்கு
ஜி.வி.பிரகாஷ் இசை அமைக்கிறார். ரவி கே.சந்திரன் ஒளிப்பதிவு செய்துள்ளார்.

1960-களில் நடக்கும் படமான இது, கல்லூரி பின்னணியில் நடக்கும் இந்தி எதிர்ப்பு கதையைக் கொண்டது. அடுத்த ஆண்டு ஜன.14-ல் இந்தப் படம் வெளியாக இருக்கிறது. இதற்கிடையே இந்தப் படத்தின் படப்பிடிப்பு முடிவடைந்துவிட்டது.

இதையடுத்து சிவகார்த்திகேயன் நடிக்கும் படத்தை ‘டான்’ இயக்குநர் சிபி சக்கரவர்த்தி இயக்குகிறார். இதன் படப்பிடிப்பு இம்மாத இறுதியில் தொடங்குவதாக இருந்தது. இந்நிலையில் அடுத்த மாதம் முதல் வாரத்தில் தொடங்க இருப்பதாகக் கூறப்படுகிறது.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow