ஒளிப்பதிவின் ஃபில்டர் யுகம்: ஒளி - உணர்ச்சி மொழி | ஒளி என்பது வெளிச்சமல்ல 03

ஒளிப்பதிவின் ஃபில்டர் யுகம் என்பது திரைப்பட ஒளிப்பதிவின் பரிணாமத்தில் மிகச் சிறப்பான மற்றும் தனித்துவமான ஒரு காலகட்டமாகும். கருப்பு - வெள்ளை திரைப் பருவம், வண்ணத் தொழில்நுட்பத்தின் அறிமுகம், டிஜிட்டல் கேமரா யுகம் இவ்வனைத்திலும் ஃபில்டர்கள், ஒளி மற்றும் நிழல் மொழியை உருவாக்கி, காட்சியின் உணர்ச்சியை வடிவமைக்கும் முக்கிய கருவியாக இருந்தன. ஒவ்வொரு ஃபில்டரும் ஒரு விஷுவல் டோன் (காட்சிக் குறியீடு) மற்றும் உணர்ச்சி தாக்கத்தை உருவாக்குகிறது.

பழைய கருப்​பு- வெள்ளை திரைப்பட நாட்​களில், குறிப்​பாக குளோஸ்​-அப் காட்​சிகளில், சாஃப்​டெக்ஸ் (Softex) ஃபில்​டர்​கள் மிக முக்​கிய​மான பங்கு வகித்​தன. அந்​தக் கால பிலிம் மீடி​யத்​துக்​கு அதிக ஒளி தேவைப் பட்​ட​தால் ஒளிப்​ப​தி​வாளர்​கள் வலு​வான விளக்​கு​களை நேரடி​யாகக் கதா​பாத்​திரங்​களில் செலுத்​தி, அதன் தீவிரத்தை மென்​மைப்​படுத்த சாப்ட் ஃபில்​டர்​களை பயன்​படுத்​தினர்.

முக்​கிய​மாகக் காதல் காட்​சிகள் அல்​லது ஓர் நாயகி​யின் முகப்​பில் உணர்ச்சி நெருக்​கத்தை உரு​வாக்க, இந்த மென்​மை​யான ‘ஹேஸ்’ (Haze - மங்​கல்) தோற்​றம் பார்​வை​யாளரின் மனதைக் கவர்ந்​து, அந்​தக் கதா​பாத்​திரத்​துடன் ஒரு ‘தனிப்​பட்ட தொடர்​பு’ ஏற்​படுத்​தி​யது. இந்த ‘சாஃப்​டெக்ஸ் எஃபெக்ட்’ படத்​தின் அழகியலை மேம்​படுத்​தி, உணர்ச்​சிப் பூர்வ​மான காட்​சிகளுக்​கு, மயக்​கும் தன்​மை​யைக் கொடுத்​தது.

டிஸ்கோ லைட்ஸ் - 1970-களின் கலை விளையாட்டு: 1970-களின் இறுதியில், இந்தி சினிமாவில் தோன்றிய ‘டிஸ்கோ லைட்ஸ்’ பாணி, விரைவில் தென்னிந்திய திரைத்துறையிலும் பரவியது. ஒளியின் நட்சத்திர வடிவங்கள், நிறமாறும் பரவல்கள், பாரம்பரிய ஒளிப்பதிவுக்குப் புதுமையைத் தந்தன. சமீபத்​தில் மறைந்த ஒளிப்​ப​தி​வாளர் பாபு, 1980-களில் இதை உச்​சிக்​குக் கொண்டு வந்​து, ‘ஸ்​டார் ஃபில்​டர்’, ‘ரெ​யின் போ ஃபில்​டெர்’, ‘ஸ்ப்​லிட் டயாப்ட்​டர்’ என்ற தொழில்​நுட்​பங்​களை நுட்​ப​மாகப் பயன்​படுத்​தி​னார்.

‘ஸ்​டார் ஃபில்​டர்’ வெளிச்​சத்​தின் புள்​ளி​களைப் பிர​காச​மான நட்​சத்​திரவடி​வில் மாற்ற, ‘ரெ​யின்போ ஃபில்​டர்’ ஒரு ஃபிரேமிலேயே பல வண்​ணங்​களை உரு​வாக்​கியது. சகல​கலா வல்​ல​வன், பாயும் புலி போன்ற படங்​கள் இந்​தப் புதிய காட்சிப் போக்கை அக்​காலத்​தில் அடை​யாள​மாக்​கின. இந்த கால​கட்​டம் திரைத்துறை​யில் ஒரு காட்​சித் திரு​விழா போலவே இருந்​தது.

வண்ண-விளையாட்டின் பரிணாமம்: வட இந்​தி​யப் படங்​களில், ஒளிப்​ப​தி​வாளர் மன்​மோகன் சிங், யாஷ் சோப்ரா படங்​களில் ‘என்​ஹான்ஸ் ஃபில்​டெர்​கள்’ பயன்​படுத்​தி, வெளிப்​புறக் காட்​சிகளில் வண்​ணங்​களின் தீவிரத்தை உயர்த்​தி​னார். மலைப்​பகு​தி​கள், தோட்​டங்​கள், மலர்ச்​செடிகள் எல்​லா​வற்றையும் அதீத பிர​காச​முள்​ள​தாகக் காட்​சிப்​படுத்​தி, வண்​ணத்​தின் அழகைக் கதை​யின் உணர்ச்சி சூழலுடன் ஒருங்​கிணைத்​தார். இது திரைப்​படங்​களில் ஒரு ‘பிர​காச​மான உலகம்’ என்ற எண்​ணத்தை உரு​வாக்​கியது.

ஒளி செதுக்குதல் - பி.சி. ஸ்ரீராமின் புரட்சி: 1990-களில், புகழ்பெற்ற ஒளிப்பதிவாளர் பி.சி. ஸ்ரீராம், ஒளியை நேரடியாக லென்ஸுக்குள் அனுமதித்து, ‘ஃபிளேர் எஃபெக்ட்ஸ்’ (ஒளிர்தல் விளைவுகள்), ‘ஸ்பாட்லைட் க்ளோ’ (ஒருமை ஒளியின் ஒளிர்வு), ‘ட்ரீம் லைக் டிஃப்யூஷன்’ (கனவு போன்ற பரவல்) போன்ற காட்சிப் பாணிகளை ‘எஸ்.எஃப்.எக்ஸ் ஃபில்டர்கள்’ மூலம் உருவாக்கினார்.

‘அக்னி நட்சத்திரம்’ படத்தில், ஒளி கேமரா லென்ஸுக்குள் ஊடுருவி, கதாபாத்திரத்தின் உள்ளார்ந்த உணர்வுகளைப் பிரதிபலிக்கும் விதமாக மின்னியது. இது பாரம்பரிய ஒளிப்பதிவின் எல்லைகளை உடைத்து, ஒளியை ஒரு ‘கவிதைமிகு காட்சிப்பாடலாக்கம்’ போல மாற்றியது. இந்த பாணி பல புதுமுக ஒளிப்பதிவாளர்களுக்கு உத்வேகம் அளித்தது.

டிஜிட்டல் யுகம் - ஐஎஸ்ஓ மற்றும் என்டி ஃபில்டர்கள்: இன்றைய டிஜிட்டல் கேமரா யுகத்தில், அடிப்படை ஐஎஸ்ஓ அளவு 800 என்பதால், கேமரா மிகவும் உணர்ச்சிமிக்கதாக உள்ளது. அதிக ஒளியைக் கட்டுப்படுத்த ‘நியூட்ரல் டென்சிட்டி ஃபில்டர்கள்’ பொதுவாகப் பயன்படுத்தப்படுகின்றன. ‘என்டி பில்டர்கள்,’ ‘டெப்த் ஆஃப் ஃபீல்டு’ கட்டுப்பாட்டில் முக்கிய பங்கு வகிக்கின்றன. இது, கதாபாத்திரம் தெளிவாகத் தெரிந்து, பின்னணி மென்மையாக மங்குமாறு, அல்லது மாறாக, காட்சியின் தேவைக்கு ஏற்ப அமைக்க உதவுகிறது. இது நவீன ஒளிப்பதிவில் சினிமாட்டிக் ஃபோகஸ் கன்ட்ரோலின் அடிப்படை கருவி.

கிரியேட்டிவ் டிஃப்யூஷன்: சில ஒளிப்பதிவாளர்கள், லென்ஸின் முன்மென்மையான காலுறை துணியை பொருத்தி, காட்சியில் மங்கல் அல்லது பரவல் தோற்றத்தை உருவாக்கினர். இது காதல் காட்சிகள், நினைவலைகள், கனவு போன்ற மனநிலையைக் காட்டும் காட்சிக் குறியீடுகளில் ஒரு மாயத்தன்மையை வெளிப்படுத்த மிகவும் பயனுள்ளதாக இருந்தது.

மாறும் தொழில்நுட்பம் - நிலைக்கும் நோக்கம்: திரைப்படத்தில் ஃபில்டர் என்பது ஒரு தொழில்நுட்ப துணைக்கருவி மட்டும் அல்ல, அது காட்சியின் உணர்ச்சி வடிவமைப்பு ஆகும். இந்த ‘ஃபில்டர்யுகம்' தொழிலநுட்பம் மற்றும் கேமரா மொழி ஆகியவற்றோடு தொடர்ந்து பரிணாமம் அடைந்தாலும், அதன் அடிப்படை நோக்கம் மாறவில்லை. ஒளி, நிழல், வண்ணம் ஆகியவற்றின் விளையாட்டை உணர்வுகளின் மொழியாக மாற்றுவது. ஒரு காட்சியின் மகிழ்ச்சி, துக்கம், காதல், பயம் அனைத்தும், சரியான ஃபில்டர் தேர்வினால் வலுவூட்டப்படுகிறது.

(புதன் தோறும் ஒளி காட்டுவோம்)

முந்தைய அத்தியாயம்: நிழலும் உணர்வும்: திரை உலகின் இருள் பேசும் கலை | ஒளி என்பது வெளிச்சமல்ல 02