ரீ-ரிலீஸ் ஆகிறது ரஜினிகாந்தின் ‘மனிதன்’!

ரஜினி நடித்த ‘மனிதன்’ படத்தினை அக்டோபர் 10-ம் தேதி ரீ-ரிலீஸ் செய்ய இருக்கிறார்கள்.

ஏவிஎம் நிறுவனம் தயாரிப்பில் 1987-ம் ஆண்டு வெளியான படம் ‘மனிதன்’. இப்படம் திரையரங்குகளில் 25 வாரங்களுக்கு மேல் ஓடி பெரும் வசூல் சாதனை புரிந்தது. எஸ்.பி.முத்துராமன் இயக்கத்தில் ரஜினி, சோ, வினுசக்கரவர்த்தி, ரூபிணி, ரகுவரன், செந்தில், ஸ்ரீவித்யா, டெல்லி கணேஷ் உள்ளிட்ட பலர் நடித்திருந்தனர்.

இப்படத்துக்கு சந்திரபோஸ் இசையில், வைரமுத்து பாடல்கள் எழுதியிருந்தார். இதன் பாடல்கள் மிகவும் பிரபலம். தற்போது ரஜினி திரையுலகிற்கு வந்து 50-வருட பொன்விழா கொண்டாடப்பட்டு வருகிறது. இதனை முன்னிட்டு ‘மனிதன்’ படத்தினை டிஜிட்டல் முறையில் உருவாக்கி வெளியிடவுள்ளது படக்குழு.

38 ஆண்டுகள் கழித்து அக்டோபர் 10-ம் தேதி ‘மனிதன்’ வெளியாகவுள்ளது. இதனை குரு ராஜா இண்டர்நேஷனல் நிறுவனம் வெளியிடவுள்ளது. இப்படத்தினை டிஜிட்டல் முறையில் மாற்றும் பணிகளில் இறுதிகட்டத்தை எட்டியுள்ளது படக்குழு.