விஷாலின் ‘மகுடம்’ ஃபர்ஸ்ட் லுக் வெளியீடு

விஷால் நடித்து வரும் ‘மகுடம்’ படத்தின் ஃபர்ஸ்ட் லுக் வெளியிடப்பட்டுள்ளது.

ரவி அரசு இயக்கத்தில் விஷால் நடித்து வரும் படம் ‘மகுடம்’. இதன் படப்பிடிப்பு மும்முரமாக நடைபெற்று வருகிறது. தற்போது இதன் ஃபர்ஸ்ட் லுக் போஸ்டரை வெளியிட்டுள்ளது படக்குழு. இதில் 3 கெட்டப்களில் விஷால் இருப்பது போன்று வடிவமைத்துள்ளது படக்குழு. இதற்கு இணையத்தில் பலரும் வரவேற்பு தெரிவித்திருக்கிறார்கள்.

‘மகுடம்’ படத்திற்காக சண்டைக் காட்சி ஒன்றை படமாக்கிவிட்டு திரும்பி இருப்பதாக விஷால் தெரிவித்துள்ளார். இதன் படப்பிடிப்பை ஒரே கட்டமாக முடிக்க வேண்டும் என்று படக்குழு மும்முரமாக பணிபுரிந்து வருகிறது. விரைவில் படத்திலிருந்து பல்வேறு ஆச்சரியங்கள் வெளியாகும் எனவும் படக்குழு தெரிவித்திருக்கிறது.

ரவி அரசு இயக்கத்தில் விஷால், துஷாரா விஜயன், அஞ்சலி, தம்பி ராமையா, அர்ஜெய் உள்ளிட்ட பலர் நடிப்பில் உருவாகி வரும் படம் ‘மகுடம்’. இதனை ஆர்.பி.செளத்ரி தயாரித்து வருகிறார். அவருடைய தயாரிப்பில் உருவாகி வரும் 99-வது படம் இதுவாகும். இதற்கு ஒளிப்பதிவாளராக ரிச்சர்ட் எம்.நாதன், இசையமைப்பாளராக ஜி.வி.பிரகாஷ் ஆகியோர் பணிபுரிந்து வருகிறார்கள்.

And finally, happy and elated and excited with full-on positivity to reveal the first look of my next film #Magudam in Tamil and #Makutam in Telugu. Hope u all like it. Completed the 2nd schedule n bak to Chennai. More surprises awaiting in the near future. Love u darlings… pic.twitter.com/6j3dl2fw3q

— Vishal (@VishalKOfficial) August 27, 2025