கார்த்தியின் ‘கைதி 2’ தாமதமாகிறதா?

கார்த்தி நடிப்பில் கடந்த 2019-ம் ஆண்டு வெளியான ‘கைதி’ படம் வெற்றி பெற்றதால், ‘கைதி 2’ உருவாகும் என்று அப்போதே படக்குழு அறிவித்திருந்தது. அதன்படி ரஜினியின் ‘கூலி’ படத்துக்குப் பிறகு அதை லோகேஷ் கனகராஜ் இயக்குவார் என்று கூறப்பட்டது. லோகேஷ் சினிமாட்டிக் யூனிவர்ஸில் இடம் பெறும் இந்தப் படம் தாமதமாகும் என்று கூறப்படுகிறது.

கார்த்தியுடன், மாளவிகா மோகனன், ஆஷிகா ரங்கநாத், ரஜிஷா விஜயன் நடித்துள்ள ‘சர்தார் 2’ படப்பிடிப்பு முடிவடைந்துவிட்டது. அவர் நடித்துள்ள ‘வா வாத்தியார்’ படப்பிடிப்பு இன்னும் பாக்கி இருக்கிறது.

இதையடுத்து ‘டாணாக்காரன்’ தமிழ் இயக்கும் படத்தில் கார்த்தி நடிக்கிறார். இதற்காக ராமேஸ்வரத்தில் செட் போடப்பட்டிருந்தது. ஆனால், இதன் படப்பிடிப்பு இன்னும் தொடங்கவில்லை. இதில் வில்லனாக, ஆதி பினிஷெட்டி நடிக்க இருக்கிறார். இவர் லிங்குசாமி இயக்கிய ‘த வாரியர்’ படத்தில் ஏற்கெனவே வில்லனாக நடித்திருந்தார்.