பாலு மகேந்திராவின் ‘வீடு’ போல 3 பிஹெச்கே படம் அமையும்: ரவி மோகன் கணிப்பு

ஸ்ரீ கணேஷ் இயக்கும் படம், ‘3 பிஹெச்கே’. சித்தார்த் ஹீரோவாக நடிக்கும் இதில், சரத்குமார், தேவயானி, யோகிபாபு, மீதா ரகுநாத், சைத்ரா உள்ளிட்டப் பலர் நடித்துள்ளனர். சாந்தி டாக்கீஸ் சார்பில் அருண் விஸ்வா தயாரித்துள்ள இதன் ட்ரெய்லர் வெளியீட்டு விழா சென்னையில் நடைபெற்றது.

இதில் கலந்துகொண்ட ரவி மோகன் பேசும்போது, “இந்தப் படத்தைப் பார்த்துவிட்டேன். பாலு மகேந்திராவின் ‘வீடு’ எந்தளவுக்குப் பேசு பொருளாக அமைந்ததோ, அதுபோல இந்தப் படமும் அமையும். நானும் சித்தார்த்தும் ஒன்றாக வளர்ந்தோம். சித்தார்த், எப்போதும் தப்பான படங்கள் செய்ததில்லை. இனியும் அப்படித்தான் இருப்பார்.

அவருக்கு வாழ்த்துகள். நான் பிறந்ததில் இருந்தே வாடகை வீட்டில் இருந்தது இல்லை. சொந்த வீட்டில்தான் இருந்திருக்கிறேன். இப்போது வாடகை வீட்டில் இருப்பதால் என்னால் இந்தக் கதையை தொடர்புப் படுத்திக் கொள்ள முடிந்தது. நல்ல கதைகளையும் படங்களையும் பார்க்க விரும்புவர் களுக்கான சிறந்த படமாக இது இருக்கும்” என்றார். இயக்குநர்கள் ராம், மடோன் அஸ்வின், அஸ்வத் மாரிமுத்து, மாரி செல்வராஜ், சக்திவேல், நித்திலன் சுவாமிநாதன் மற்றும் படக் குழுவினர் கலந்து கொண்டனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow