அருண் விஜய்யின் ‘தடையறத் தாக்க’ ஜூன் 27-ல் ரீரிலீஸ்

இயக்குநர் மகிழ் திருமேனிக்கு பெரும் பெயர் வாங்கிக் கொடுத்த படம் ‘தடையறத் தாக்க’. இதில் அருண் விஜய், மம்தா மோகன்தாஸ், ரகுல் ப்ரீத் சிங், வம்சி கிருஷ்ணா, அருள்தாஸ், காளி வெங்கட் உள்ளிட்ட பலர் நடித்திருந்தனர். 2012-ல் வெளியான இப்படம் விமர்சன ரீதியாகவும், வசூல் ரீதியாகவும் கொண்டாடப்பட்டது.

த்ரில்லர் ஜானரில் உருவான இப்படத்தை மீண்டும் ரீரிலீஸ் செய்ய இருக்கிறார்கள். இதன் உரிமையினை அப்ஸ்விங் என்டர்டெயின்மென்ட் நிறுவனம் கைப்பற்றி இருக்கிறது. 4கே தொழில்நுட்பத்தில் மாற்றி, ஜூன் 27-ம் தேதி இப்படம் வெளியாகும் என அறிவிக்கப்பட்டுள்ளது.

வாழ்க்கையில் கஷ்டபட்டு ஒரு நல்ல நிலைக்கு முன்னேறிய இளைஞன், ஒரு சிறு உதவி செய்யப்போக, மிகப் பெரிய ரவுடிகளின் கூட்டத்திடம் மாட்டிக் கொள்கிறான். அவன் அந்த ரவுடிகளிடமிருந்து தப்பினானா என்பது தான் இந்தப் படத்தின் ஒன்லைன். இசையமைப்பாளர் தமனின் இசையில் பாடல்களும், பின்னணி இசையும் பெரும் வரவேற்பைக் குவித்தது.