‘சூர்யா 46’ படப் பணிகள் பூஜையுடன் தொடக்கம்!

‘சூர்யா 46’ படத்தின் பணிகள் பூஜையுடன் தொடங்கப்பட்டுள்ளது. இதன் படக்குழுவினர் விவரமும் அறிவிக்கப்பட்டுள்ளது.

ஆர்.ஜே.பாலாஜி இயக்கி வரும் படத்தைத் தொடர்ந்து, வெங்கி அட்லுரி இயக்கவுள்ள படத்தில் கவனம் செலுத்தவுள்ளார் சூர்யா. இது சூர்யா நடிப்பில் உருவாகும் 46-வது படமாகும். இதன் பணிகள் படப்பூஜையுடன் ஹைதராபாத்தில் தொடங்கப்பட்டுள்ளது. இதனை இயக்குநர் த்ரிவிக்ரம் தொடங்கிவைத்தார்.

வெங்கி அட்லுரி இயக்கவுள்ள இப்படத்தில் சூர்யாவுடன் ராதிகா சரத்குமார், ரவீனா தண்டன், மமிதா பைஜு உள்ளிட்டோர் நடிக்க ஒப்பந்தம் செய்யப்பட்டுள்ளனர். ஒளிப்பதிவாளராக நிமிஷ் ரவி, இசையமைப்பாளராக ஜி.வி.பிரகாஷ், தயாரிப்பு வடிவமைப்பாளராக பங்கலான், எடிட்டராக நவீன் நூலி ஆகியோர் பணிபுரியவுள்ளனர்.

இதன் படப்பிடிப்பை அடுத்த மாதம் தொடங்க படக்குழு திட்டமிட்டு இருக்கிறது. ஒரே கட்டமாக படப்பிடிப்பை முடித்து, அடுத்த ஆண்டு கோடை விடுமுறைக்கு வெளியிட படக்குழு முடிவு செய்திருக்கிறது. இதன் பெரும்பாலான காட்சிகளை ஹைதராபாத்தில் படமாக்கவும் படக்குழு திட்டமிட்டு இருக்கிறது.