விஜய்யின் ‘சச்சின்’ ரீ-ரிலீஸ் - முதல் நாளே ஹவுஸ் ஃபுல்!

விஜய்யின் ‘சச்சின்’ மறுவெளியீடு செய்யப்பட்ட அனைத்து திரையரங்குகளிலும் முதல் நாள் ஹவுஸ் ஃபுல் காட்சிகளாக அமைந்திருக்கிறது.

ஏப்ரல் 18-ம் தேதி விஜய் நடித்த ‘சச்சின்’ திரைப்படம் மறுவெளியீடு செய்யப்பட்டது. இதன் காட்சிகள் மெருக்கேற்றப்பட்டது மட்டுமன்றி, விஜய்யின் பெயர் கார்டும் மாற்றம் செய்யப்பட்டது. தமிழகமெங்கும் இப்படத்தினை தாணுவே வெளியிட்டார். பத்திரிகையாளர்களுக்கு புதிய வடிவத்தின் பிரத்யேக காட்சியும் திரையிடப்பட்டது.

‘சச்சின்’ திரையிடப்பட்ட அனைத்து திரையரங்குகளில் முதல் நாள் காட்சிகள் அனைத்துமே ஹவுஸ் ஃபுல்லாக அமைந்திருக்கிறது. இதனால் முதல் நாள் வசூல் பெரிதாக இருக்கும் என்று வர்த்தக நிபுணர்கள் கணித்திருக்கிறார்கள். மேலும், முதல் 3 நாட்கள் வசூல் பெரியளவில் இருக்கும் எனவும் கூறியிருக்கிறார்கள்.

திரையரங்குகளில் கட்-அவுட் வைத்து, பால் அபிஷேகம் செய்து, ரசிகர்கள் கொண்டாடி தீர்த்த வீடியோக்களும் இணையத்தில் வெளியாகி இருக்கின்றன. இதனால் மறுவெளியீட்டில் ‘கில்லி’ படத்துக்குப் பின் பெரியளவில் வசூல் சாதனையாக ‘சச்சின்’ படமும் இருக்கும் என்பது உறுதி.