‘சிங்கிளா இருந்தா சீக்கிரம் அங்கிள் ஆகிடுவீங்க’ - ஜெய்யை கலாய்த்த யோகிபாபு

சத்யராஜ், ஜெய், பிரக்யா, யோகிபாபு நடிப்பில் உருவாகியுள்ள காமெடி படம், ‘பேபி & பேபி’. பிரதாப் இயக்கியுள்ள இந்தப் படத்தை, யுவராஜ் பிலிம்ஸ் சார்பில் பி.யுவராஜ் தயாரித்துள்ளார். டி.இமான் இசையமைத்துள்ளார். இந்தப் படத்தின் இசை மற்றும் முன்னோட்டம் வெளியீட்டு விழா சென்னையில் நடந்தது.

நடிகர் யோகிபாபு பேசும்போது, “இந்தப் படத்தின் இயக்குநர் பிரதாப், 17 வருட நண்பர். ஒரு படத்தில் இருவரும் ஜூனியர் ஆர்டிஸ்டாக நடித்துள்ளோம். இன்று அவர் இயக்குநர், நான் காமெடி நடிகன். நாம் உண்மையாக உழைத்தால் நமக்கானது, தானாக வந்து சேரும். இந்தப்படம் மிக நல்ல அனுபவம். சத்யராஜ் சாருடன் எப்போதும் கவுண்டமணி சார் பற்றிப் பேசி சிரிப்போம்.

நடிகர் ஜெய்யிடம் இன்னும் எப்படி இளமையாகவே இருக்கிறீர்கள் எனக்கேட்டேன், அவர், சிங்கிளாக இருப்பதால் யங்கா இருக்கேன் என்றார். சீக்கிரம் அங்கிளா ஆகிவிடப்போகிறீர்கள், கல்யாணம் செய்து கொள்ளுங்கள்” என்றார்.

ஜெய் பேசும்போது, “இயக்குநர் பக்காவாகத் திட்டமிட்டு இந்தப் படத்தை அழகாக எடுத்துள்ளார். ரத்தம், வெட்டுக் குத்து இல்லாமல், மனம் விட்டுச் சிரித்து மகிழும் படமாக இது இருக்கும்” என்றார்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow