அம்மா தலைவரானார் ஸ்வேதா மேனன்: முக்கிய பொறுப்புகளை கைப்பற்றிய பெண்கள்

மலையாள திரைப்பட நடிகர்கள் சங்கத்தின் (அம்மா) தலைவராக மோகன்லால் இருந்து வந்தார். ஹேமா கமிட்டி அறிக்கை மற்றும் அதைத் தொடர்ந்து ஏற்பட்ட சர்ச்சைகள் காரணமாகத் தலைவர் பதவியிலிருந்து அவர் ராஜினாமா செய்தார்.

மற்ற நிர்வாகிகளும் பதவி விலகியதை அடுத்து, புதிய நிர்வாகிகளுக்கான தேர்தல், கொச்சியில் நேற்று நடைபெற்றது. தலைவர், 2 துணைத் தலைவர்கள், பொதுச் செயலாளர், இணைச் செயலாளர், பொருளாளர் உட்பட 6 முக்கிய பதவிகள் மற்றும் 11 செயற்குழு உறுப்பினர்களைத் தேர்ந்தெடுப்பதற்கான தேர்தல் இது.

இதில் தலைவர் பதவிக்கு ஸ்வேதா மேனனும் நடிகர் தேவனும் போட்டியிட்டனர். இதில் ஸ்வேதா மேனன் வெற்றிபெற்றார். பொதுச் செயலாளராக, குக்கு பரமேஸ்வரன் ,பொருளாளராக உன்னி சிவபால், துணைத் தலைவர்களாக லட்சுமி பிரியா, ஜெயன்சேர்த்தலா ஆகியோர் தேர்வு செய்யப்பட்டனர். இணைச் செயலாளராக அன்சிபா ஹாசன் போட்டியின்றி தேர்ந்தெடுக்கப்பட்டார்.

மலையாள நடிகர் சங்க வரலாற்றில் பெண் ஒருவர் தலைவராவது இதுதான் முதன்முறை. முக்கிய நிர்வாகிகள் அனைவரும் பெண்களாகத் தேர்வு செய்யப்பட்டிருப்பதும் இதுவே முதன் முறை என்பதால், அவர்களுக்கு வாழ்த்துகள் குவிந்து வருகின்றன.