மலையாள சினிமா வேலை நிறுத்தம்: நடிகர் சங்கம் கடும் எதிர்ப்பு

மலையாள திரைப்​படத் தயாரிப்​பாளர்கள் சங்கம் அறிவித்​துள்ள வேலை நிறுத்​தத்​துக்கு நடிகர் சங்கமான ‘அம்மா’ எதிர்ப்பு தெரி​வித்​துள்ளது.

கேரள தயாரிப்​பாளர்கள் சங்கம், விநி​யோகஸ்​தர்கள் சங்கம், கேரள திரைப்​படத் தொழிலா​ளர்கள் சம்மேளனம் உள்ளிட்ட அமைப்பு​களின் கூட்டுக்​கூட்​டத்​தில், நடிகர்கள் சம்பளத்​தைக் குறைக்க வலியுறுத்​தி​யும், பொழுது​போக்கு வரி உயர்​வைக் கண்டித்​தும் ஜூன் 1-ம் தேதி முதல் காலவரையற்ற வேலை நிறுத்​தத்​தில் ஈடுபட முடிவு செய்​யப்​பட்​டுள்​ளது. அப்போது படப்​பிடிப்புகள் நடைபெறாது, திரையரங்​குகள் மூடப்​படும், சினிமா தொடர்பான எந்த நிகழ்வும் நடைபெறாது என கேரள திரைப்​படத் தயாரிப்​பாளர் சங்கத் தலைவர் சுரேஷ்கு​மார் அறிவித்​துள்ளார். இதற்​கு அந்தோணி பெரும்​பாவூர் உட்பட சில தயாரிப்​பாளர்கள் எதிர்ப்பு தெரி​வித்​தனர்.

இந்நிலை​யில் மோகன்​லால், மம்மூட்டி, சுரேஷ் கோபி, டோவினோ தாமஸ் உட்பட மலையாள நடிகர் சங்கமான ‘அம்​மா’​வின் உறுப்​பினர்கள் பலர், கொச்​சி​யில் நேற்று முன் தினம் ஆலோசனை நடத்​தினர். தயாரிப்​பாளர்கள் அறிவித்​துள்ள காலவரையற்ற வேலை நிறுத்​தத்​துக்கு எதிர்ப்பு தெரி​வித்த அவர்​கள், அதற்கு ஒத்துழைப்பு வழங்கப் போவதில்லை என்று கூறியுள்ளனர். இது தொடர்பாக வெளி​யிடப்​பட்​டுள்ள அறிக்கை​யில், மலையாள தயாரிப்​பாளர்​களில் ஒரு பிரி​வின​ரால் அழைப்பு விடுக்​கப்​பட்ட வேலைநிறுத்​தத்​துக்கு ‘அம்மா’ ஆதரவு கொடுக்​காது. கடும் நிதி நெருக்​கடியைச் சந்தித்து வரும் திரைப்​படத் துறை, சிலரின் பிடிவாதத்​தால் தேவையற்ற வேலைநிறுத்​தத்​துக்கு இழுக்​கப்​படு​வது, பல தொழிலா​ளர்களுக்​குச் சிக்கலை ஏற்​படுத்​தும் என்று கூறப்​பட்​டுள்​ளது.