பாலையாவின் ‘டாக்கு மகாராஜ்’ ஓடிடியில் பிப்.9-ல் ரிலீஸ்

நந்தமுரி பாலகிருஷ்ணாவின் ‘டாக்கு மகாராஜ்’ திரைப்படம் நெட்ஃப்ளிக்ஸ் ஒடிடி தளத்தில் பிப்ரவரி 9 அன்று வெளியாகிறது.

பாபி கோலி இயக்கத்தில் பாலகிருஷ்ணா நடித்துள்ள படம் ‘டாகு மகாராஜ்’. பாபி தியோல், பிரக்யா, ஷ்ரத்தா ஸ்ரீநாத் உள்ளிட்ட பலர் இதில் நடித்துள்ளனர். நாக வம்சி தயாரித்துள்ள இப்படத்துக்கு தமன் இசையமைப்பாளராக பணிபுரிந்துள்ளார். ஜனவரி 12-ம் தேதி உலகமெங்கும் இப்படம் வெளியானது.

1996-ஆம் ஆண்டில், கிருஷ்ணமூர்த்தி என்பவர் தனது பேரனுடன் அமைதியான வாழ்க்கை வாழ்ந்து வருகிறார். அவரது தேயிலை தோட்டத்தில் சட்டவிரோத விலங்குகளின் கடத்தல் நடைபெறுவதை கண்டறிந்து, அவர் அதனை அதிகாரிகளிடம் புகார் செய்கிறார். இதனால், எம்எல்ஏ திரிமூர்த்துலு நாயுடு மற்றும் அவரது சகோதரர் மனோஹர் நாயுடு அவர்களை அச்சுறுத்துகின்றனர்.

இந்தச் சூழலில், சீதாராம் என்ற பெயரில் ஒரு முன்னாள் பொறியாளரான ‘டாக்கு மகாராஜ்’ என்ற பெயரில் பிரபலமானவர், கிருஷ்ணமூர்த்தியின் குடும்பத்தை பாதுகாக்க வருகிறார். அவரது வருகை மற்றும் பின்னர் நிகழும் சம்பவங்கள் படத்தின் திரைக்கதை. ரசிகர்கள் மத்தியில் வரவேற்பை பெற்ற இந்த ஆக்‌ஷன் திரைப்படம், பாலகிருஷ்ணாவின் அதிக வசூல் படங்களில் ஒன்று என்பது கவனிக்கத்தக்கது. இந்நிலையில், ‘டாக்கு மகாராஜ்’ திரைப்படம் நெட்ஃப்ளிக்ஸ் ஒடிடி தளத்தில் பிப்ரவரி 9 அன்று வெளியாகிறது.