‘பரசுராமர்’ கதையில் நடிப்பதற்காக அசைவம், மதுவை கைவிடும் ஹீரோ

பிரபல இந்தி நடிகர் விக்கி கவுஷல் புராணக் கதையில் நடிக்கிறார். விஷ்ணுவின் 6-வது அவதாரமான பரசுராமரின் கதை திரைப் படமாகிறது. இப்படத்துக்கு ‘மகாவதார்’ என்று தலைப்பு வைத்துள்ளனர்.

‘ஸ்திரீ 2’ படத்தை இயக்கிய அமர் கவுஷிக் இயக்குகிறார். இதன் ஸ்கிரிப்ட் வேலைகள் நடந்து வருகின்றன. பிரம்மாண்டமாக உருவாக இருக்கும் இதில் விபிஎக்ஸ் பணிகளுக்கு மட்டும் 6 மாதம் செலவழிக்க இருக்கிறார்கள்.

இதற்கிடையே இதில் நடிப்பதற்காக விக்கி கவுஷலும் இயக்குநர் அமர் கவுஷிக்கும் அசைவம் மற்றும் மது பழக்கத்தைக் கைவிடுகின்றனர் என்று படக்குழு தெரிவித்துள்ளது. இதன் தொடக்கவிழா அடுத்த வருடம் நடக்க இருக்கிறது.