ஹாரர் பட 3-ம் பாகத்தில் தமன்னா!

ஹாலிவுட்டில் வெளியான ‘பாராநார்மல் ஆக்டிவிட்டி’ என்ற சூப்பர் நேச்சுரல் ஹாரர் படத்தின் பாதிப்பில் இந்தியில் உருவான படம், ‘ராகிணி எம்எம்எஸ்’.

ராஜ்குமார் ராவ், கைனஸ் மோடிவாலா ஆகியோர் இதில் நடித்திருந்தனர். 2011-ல் வெளியான இந்தப் படத்தை பாலாஜி டெலிபிலிம்ஸ் தயாரித்திருந்தது. இது வெற்றி பெற்றதை அடுத்து இதன் அடுத்த பாகம் 2014-ல் வெளியானது. சன்னி லியோன் நாயகியாக நடித்த இந்தப் படமும் வரவேற்பைப் பெற்றதை அடுத்து 2 அதன் 3-ம் பாகம் இப்போது உருவாகிறது.

இதில் தமன்னா, கிளாமருடன் கூடிய முதன்மை கதாபாத்திரத்தில் நடிக்கிறார். ஏக்தா கபூர் தயாரிக்கும் இந்தப் படம் முந்தைய பாகங்களை போல் இல்லாமல் ஹாரர் காமெடி படமாக உருவாக இருக்கிறது.