சயிப் அலி கானை கத்தியால் குத்தியவர் கைது: சிக்கியது எப்படி?

மும்பை: நடிகர் சயிப் அலி கானை கத்தி​யால் குத்​தி​யவரை போலீ​ஸார் கைது செய்​துள்ளனர்.

பாலிவுட் நடிகரான சயிப் அலிகான் (54), மகாராஷ்டிர மாநிலம் மும்பை மேற்கு பாந்த்ரா பகுதி​யில் உள்ள அடுக்​கு​மாடி குடி​யிருப்​பில் வசித்து வருகிறார். 11-வது தளத்​தில் உள்ள அவரது வீட்​டில் கடந்த புதன்​கிழமை இரவு மர்ம நபர் ஒருவர் புகுந்​து கத்தி​யால் 6 முறை நடிகர் சயிப் அலி கானை குத்​தினார். இதையடுத்து மும்பை லீலாவதி மருத்​துவ​மனை​யில் சேர்க்​கப்​பட்டு அவருக்கு அறுவை சிகிச்சை நடைபெற்​றது. அறுவை சிகிச்சை முடிந்த நிலை​யில் அவர் தீவிர சிகிச்​சைப் பிரி​வில் (ஐசியு) வைக்​கப்​பட்​டிருந்​தார். அபாய கட்டத்​தைத் தாண்டிய நிலை​யில் நேற்று, அவர் ஐசியு பிரி​விலிருந்து மாற்​றப்​பட்​டுள்​ளார்.

லீலாவதி மருத்​துவ​மனை​யின் தலைமைச் செயல் அதிகாரி நீரஜ் உத்தமணி கூறும்​போது, “சயிப் அலி கான் மிகவும் அதிர்​ஷ்டசாலி. அந்தக் கத்தி அவரது முதுகில் இன்னும் 2 மில்​லி மீட்டர் ஆழத்​துக்​குச் சென்​றிருந்​தால் விளைவுகள் மோசமாக இருந்​திருக்​கும். அது அவருக்கு மிகவும் மோசமான காயத்தை ஏற் படுத்தி இருக்​கும்” என்றார்.

இந்நிலை​யில், நடிகர் சயிப் அலிகானை கத்தி​யால் குத்திய வாரிஸ் அலி சல்மானியை மும்பை பாந்த்ரா போலீ​ஸார் கைது செய்​துள்ளனர். சிசிடிவி காட்​சிகளின் அடிப்​படை​யில் அந்த நபர் கைது செய்​யப்​பட்​டுள்​ளார். அவரிடம் போலீ​ஸார் விசாரித்து வருகின்​றனர். சயிப் அலி கான் வீட்டுக்​குள் நுழைந்த திருடன், சயிப் அலி கானின் பணியாளர்​களிடம் ரூ.1 கோடி கேட்​டுள்​ளார். இதைத் தொடர்ந்து, சயிப் அலி கானின் மகன் ஜெ தூங்​கிக் கொண்​டிருந்த படுக்கை அறைக்​குள் மர்ம நபர் நுழைந்​தார்.

பின்னர் அங்கிருந்த பெண் ஊழியர் ஒருவரை கன்னத்​தில் அறைந்த அந்த மர்ம நபர், அவரிட​மும் ரூ.1 கோடி கேட்​டுள்​ளார். இத​னால் அந்த பெண்​ணுக்கு மணிக்கட்டு, கைகளில்​கா​யம் ஏற்​பட்​டது. இந்த சத்​தம் கேட்ட பின்னர்​தான் தூங்​கிக் ​கொண்​டிருந்த ச​யிப் அலி ​கான் வெளியே வந்​துள்ளார். பின்னர் மர்​மநபருடன் கைகலப்பு ஏற்​பட்டு, அவருக்​குக் கத்​திக்​குத்​து ​விழுந்​தது குறிப்​பிடத்​தக்​கது.