ஃப்ரைடல் மேக்கப், ஸ்பெஷல் எஃபெக்ட்ஸ் போன்ற நுட்பங்களுடன் சென்னையில் பெண்களுக்கான தொழில்முறை ஒப்பனை பயிற்சி

சென்னை: பெண்​களுக்​காக ஃப்​ரைடல் மேக்​கப், ஸ்பெஷல் எஃபெக்ட்ஸ் போன்ற பல்​வேறு வகை​யான மேக்​கப் நுட்​பங்​கள் அடங்கிய தொழில்​முறை ஒப்​பனை பயிற்சி வகுப்பு சென்​னை​யில் 3 நாட்​கள் நடை​பெற உள்​ளது. இன்​றைய கால​கட்​டத்​தில் அழகு தொழிலில் அசைக்க முடி​யாத இடத்தை பிடிக்க, சரி​யான பயிற்சி தேவை.

அந்​தவகை​யில் பிரைடல், ஃபேஷன், ஹெச்​.டி.மேக்​கப், ஹேர்​ஸ்​டைல், ஸ்கின்​கேர், ஸ்பெஷல் எஃபெக்ட்ஸ் போன்ற அனைத்து வகை​யான மேக்​கப்​களை​யும் ஒரே இடத்​தில் கற்​ப​தற்​கான முழு​மை​யான தொழில்​முறை ஒப்​பனை பயிற்சி வகுப்பு (ப்ரோ மேக்​கப் மாஸ்​டர்​கிளாஸ்), சென்னை கிண்​டி​யில் செயல்​பட்டு வரும் தொழில்​முனை​வோர் மேம்​பாடு மற்​றும் புத்​தாக்க நிறு​வனத்​தில் அக்​.10 முதல் 12-ம் தேதி வரை வழங்​கப்​படு​கிறது.

இதில் மேம்​பட்ட மேக்​கப்​பின் நுட்​பங்​கள், ஸ்பெஷல் எஃபெக்ட்ஸ் மேக்​கப், ஃபேஷன் மற்​றும் எடிட்​டோரியல், நிச்​சய​தார்த்​தம், திரு​மணம், வரவேற்பு நிகழ்ச்​சிகளுக்​கான ப்ரைடல் (மணமகள்) மேக்​கப், கிளாஸ் ஸ்கின் மேக்​கப், வியர்வை தடுக்​கும் மேக்​கப், முகதிருத்​தம், சரும பாரமரிப்​பு, கண்​களுக்​கான மேம்​படுத்​தப்​பட்ட மேக்​கப், ஐ-ஷேடோ வரைவதற்​கான நுட்​பங்​கள், புருவ அலங்காரம், தலை​முடி அலங்​காரம், புடவை அணிதல் (மடிப்​பு​கள்), ஹெச்​.டி, 3டி, 4டி வகை மேக்​கப்​களின் நுட்​பங்​கள், தொழில் வளர்ச்​சிக்​காக போர்ட் ஃ​போலியோ உரு​வாக்​கம், செயல்​முறை பயிற்சி உள்​ளிட்​டவை குறித்து கற்​றுத்​தரப்​படும்.

பயிற்​சி​யானது காலை 10 முதல் மாலை 5 மணி வரை அளிக்​கப்​படும். 10-ம் வகுப்பு தேர்ச்சி பெற்​று, 18 வயதுக்கு மேற்​பட்ட பெண்​கள் பயிற்சி வகுப்​பில் பங்​கேற்​கலாம். இதுதொடர்​பான கூடு​தல் விவரங்​களை www.editn.in என்ற இணை​யதளத்​தி​லும், 9543773337, 9360221280 ஆகிய செல்​போன் எண்​களை​யும் தொடர்பு கொண்டு தெரிந்து கொள்​ளலாம். பயிற்​சி​யில்​ பங்​கேற்​பவர்​களுக்​கு அரசு ​சான்​றிதழும்​ வழங்​கப்​படும்​. முன்​ப​திவு அவசியம்​.