தங்கம் விலை பவுனுக்கு ரூ.1,120 சரிவு; வெள்ளி விலையும் குறைந்தது

சென்னை: 22 காரட் ஆபரணத் தங்கத்தின் விலை சென்னையில் இன்று (நவ.18) பவுனுக்கு ரூ.1,120 என குறைந்துள்ளது. வெள்ளி விலையும் கிலோவுக்கு ரூ.3,000 சரிந்துள்ளது குறிப்பிடத்தக்கது.

அமெரிக்க டாலருக்கு நிக​ரான இந்​திய ரூபாயின் மதிப்பு, தங்கத்தின் மீதான முதலீடு என சர்​வ​தேச நில​வரத்​துக்கு ஏற்ப தங்​கத்​தின் விலை நிர்​ண​யிக்​கப்​படு​வது வழக்கம். அந்த வகை​யில் கடந்த அக்​.17-ம் தேதி ஒரு பவுன் ஆபரணத் தங்கம் ரூ.97,600 ஆக விலை அதி​கரித்​து, வரலாறு காணாத புதிய உச்​சத்தை தொட்​டது. பின்னர் தங்கம் விலை குறைந்தும், உயர்ந்தும் வருகிறது.

கடந்த சில நாட்களாக தங்கம் விலை இறங்குமுகமாக இருந்து வருகிறது. சென்னையில் 22 காரட் ஆபரணத் தங்கம் கிராமுக்கு ரூ.140 குறைந்து, ஒரு கிராம் ரூ.11,400-க்கு விற்பனை ஆகிறது. தங்கம் விலை பவுனுக்கு ரூ.1,120 என குறைந்து, ஒரு பவுன் ரூ.91,200-க்கு விற்பனை ஆகிறது. சென்னையில் 24 காரட் தங்கம் ஒரு பவுன் ரூ.99,496 மற்றும் 18 காரட் தங்கம் ஒரு பவுன் ரூ.76,080-க்கும் விற்பனை ஆகிறது. கடந்த 14-ம் தேதி முதல் தங்கம் விலை குறைந்து வருகிறது. அந்த வகையில் 5 நாட்களில் கிராமுக்கு ரூ.500 என தங்கம் விலை குறைந்துள்ளது.

இன்று வெள்ளி விலையும் சரிந்துள்ளது. சென்னையில் வெள்ளி ஒரு கிராம் ரூ.3 என சரிந்து ரூ.170-க்கு விற்பனை ஆகிறது. ஒரு கிலோ வெள்ளி ரூ.3,000 என விலை குறைந்து ரூ.1,70,000-க்கு விற்பனை ஆகிறது.