சென்னையில் தங்கம் விலை இன்று பவுனுக்கு ரூ.1,520 சரிவு!

சென்னை: 22 காரட் ஆபரணத் தங்கத்தின் விலை இன்று பவுனுக்கு ரூ.1,520 குறைந்துள்ளது. நேற்று ஒரே நாளில் பவுனுக்கு ரூ.2,400 என விலை குறைந்திருந்தது குறிப்பிடத்தக்கது.

சர்​வ​தேச நில​வரத்​துக்கு ஏற்ப தங்​கத்​தின் விலை நிர்​ண​யிக்​கப்​படு​கிறது. அந்த வகை​யில், அக்​.17-ம் தேதி ஒரு பவுன் ஆபரணத் தங்கம் ரூ.97,600 ஆக விலை அதி​கரித்​து, வரலாறு காணாத புதிய உச்​சத்தை தொட்​டது. பின்னர் தங்கம் விலை குறைந்தும், உயர்ந்தும் வருகிறது.

இந்நிலையில், சென்னையில் 22 காரட் ஆபரணத் தங்கத்தின் விலை இன்று (நவ.15) பவுனுக்கு ரூ.1,520 குறைந்து, ஒரு பவுன் ரூ.92,400-க்கு விற்பனை ஆகிறது. ஒரு கிராம் ரூ.190 என குறைந்து, ரூ.11,550-க்கு விற்பனை ஆகிறது. 24 காரட் தங்கம் ஒரு பவுன் ரூ.1,00,800-க்கும், 18 காரட் தங்கம் ஒரு பவுன் ரூ.77,120-க்கும் விற்பனை ஆகிறது.

வெள்ளி விலை கிராமுக்கு ரூ.5 குறைந்து ஒரு கிராம் ரூ.175-க்கும், ஒரு கிலோ கட்டி வெள்ளி ரூ.1,75,000-க்கும் விற்பனை ஆகிறது.