பெண்கள் பணிபுரிவதற்கு ஏற்ற சிறந்த நிறுவனங்களுக்கு ‘அவதார்’ விருது

சென்னை: இந்​தி​யா​வின் முன்​னணி பணி​யிட கலாச்​சார ஆலோசனை நிறு​வன​மான அவதார் குழு​மம், பணிபுரி​யும் பெண்​களுக்​கான சிறந்த நிறு​வனங்​களுக்கு விருதை அறி​வித்​துள்​ளது.

சென்​னை​யில் நடை​பெற்ற இதற்​கான நிகழ்ச்​சி​யில் தென் சென்னை நாடாளு​மன்ற தொகுதி உறுப்​பினர் தமிழச்சி தங்​க ​பாண்​டியன் கலந்துகொண்டு இந்​தி​யா​வின் பணிபுரி​யும் பெண்​களுக்​கான சிறந்த முதல் 10 நிறு​வனங்​களுக்கு விருதுகளை வழங்கி கவுர​வித்​தார்.

அசெஞ்​சர் சொல்​யூஷன்​ஸ், ஆக்ஸா எக்​ஸ்​.எல், கெய்ர்ன் ஆயில் அண்ட் கேஸ், இஒய், கேபிஎம்​ஜி, மாஸ்​டர்​ கார்​டு, ஆப்​டம் குளோபல் சொல்​யூஷன்​ஸ், புராக்​டர் அண்ட் கேம்​பிள், டெக் மஹிந்​தி​ரா, விப்​ரோ ஆகிய 10 நிறு​வனங்​களின் சார்​பில் அவற்​றில் பணிபுரி​யும் பெண்​கள், அவதார் குழு​மத்​தின் விருதுகளை பெற்​றுக்​கொண்​டனர்.

இது குறித்து அவதார் குழு​மத்​தின் நிறு​வனர் சவுந்​தர்யா ராஜேஷ் கூறிய​தாவது: இந்​திய பணி​யிடங்​களில் உள்​ளடக்​கத்தை யதார்த்​த​மாக்​கு​வதற்கு 25 ஆண்​டு​களுக்கு முன்பு அவதார் தோற்​று​விக்​கப்​பட்​டது. பணிபுரி​யும் பெண்​களுக்​கான சிறந்த நிறு​வனங்​களை தேர்ந்​தெடுத்து விருதுகள் வழங்குவதன் மூலம் அவற்றை ஊக்​கப்​படுத்தி வரு​கிறோம்.

புதிய சாதனை​யாக சிறந்த நிறு​வனங்​களுக்​கிடையே தலை​மைப் பதவி​களில் பெண்​கள் பிர​தி​நி​தித்​து​வம் முதல் முறை​யாக 20 சதவீத​மாக உயர்ந்துள்​ளது. ஒட்​டு மொத்த பெண் ஊழியர்​களின் பங்​கேற்பு 36 சதவீதம் என்ற அளவில் அதி​கரித்​துள்​ளது. இது, 2016-ல் 25 சதவீத​மாக மட்​டுமே இருந்தது. தற்​போது வேலைகளை மறு​வடிவ​மைப்பு செய்​வ​தில் ஏஐ முக்​கிய பங்​காற்றி வரு​கிறது.இவ்​வாறு அவர்​ கூறி​னார்​.