அக்டோபர் மாதத்தில் தினசரி யுபிஐ பரிவர்த்தனை ரூ.94 ஆயிரம் கோடியாக உயர்வு

புதுடெல்லி: இந்​தி​யா​வில் இணை​ய​வழி​யில் மேற்​கொள்​ளப்​படும் ஒட்​டுமொத்த பணப் பரிவர்த்​தனை​யில் யுபிஐ 85% பங்கு வகிக்​கிறது. இது நாளுக்கு நாள் அதி​கரித்து வரு​கிறது.

தீபாவளி பண்​டிகை காரண​மாக நடப்பு அக்​டோபர் மாதத்​தில் அதிகபட்சமாக ஒரே நாளில் யுபிஐ பரிவர்த்​தனை எண்ணிக்கை 74 கோடியைத் தாண்டி உள்​ளது. இது​போல, அதி​கபட்​ச​மாக தினசரி யுபிஐ பரிவர்த்​தனை மதிப்பு இது​வரை 6 முறை ரூ.1 லட்​சம் கோடியைத் தாண்டி உள்​ளது. அதே​நேரம் சராசரி தினசரி யுபிஐ பணப் பரிவர்த்​தனை​யின் மதிப்பு இது​வரை இல்​லாத வகை​யில் ரூ.94 ஆயிரம் கோடி​யாக அதி​கரித்து புதிய சாதனை படைக்​கப்​பட்​டுள்​ளது.

இது கடந்த செப்​டம்​பர் மாதத்​தை​விட 13% அதி​கம். யுபிஐ பரிவர்த்​தனையை நிர்​வகிக்​கும் இந்​திய தேசிய பணப்​பட்​டு​வாடா கழக (என்​பிசிஐ) புள்​ளி​விவரத்​தின் மூலம் இது தெரிய​வந்​துள்​ளது. இந்த மாதத்​தின் முடி​வில் யுபிஐ பரிவர்த்​தனை ரூ.28 லட்​சம் கோடியைத் தாண்டி புதிய சாதனை படைக்​கும் என எதிர்​பார்க்​கப்​படு​கிறது. இது​வரை ஒரு மாத அதி​கபட்ச யுபிஐ பரிவர்த்​தனை ரூ.25 லட்​சம்​ கோடி​யாக உள்​ளது குறிப்​பிடத்​தக்​கது.