ரூ.4,100 கோடியில் இலகு ரக ஏவுகணை வாங்க இங்கிலாந்து நிறுவனத்துடன் ஒப்பந்தம்

புதுடெல்லி: ரூ.4,100 கோடி​யில் இலகு ரக பன்னோக்கு ஏவு​கணை வாங்க இங்​கிலாந்து நிறு​வனத்​துடன் இந்​திய ராணுவம் ஒப்​பந்​தம் செய்து கொண்​டுள்​ளது.

இங்​கிலாந்து பிரதமர் கீர் ஸ்டார்​மர் கடந்த சில தினங்​களுக்கு முன்பு இந்​தியா வந்​திருந்​தார். மும்​பை​யில் பிரதமர் நரேந்​திர மோடி​யும் ஸ்டார்​மரும் சந்​தித்​துப் பேசினர். அப்​போது, பாது​காப்​புத் துறை உட்பட பல்​வேறு துறை​களில் இருதரப்பு உறவை பலப்​படுத்​து​வது தொடர்​பான ஒப்​பந்​தங்​கள் கையெழுத்​தா​யின.

இதன் தொடர்ச்​சி​யாக, இங்​கிலாந்​தின் தாலஸ் குழு​மத்​திட​மிருந்து இலகு ரக பன்னோக்கு ஏவு​கணை​களை (எல்​எம்​எம்) வாங்​கு​வது தொடர்​பாக, அந்த நிறு​வனத்​துக்​கும் இந்​திய ராணுவத்​துக்​கும் இடையே நேற்று முன்​தினம் ஒப்​பந்​தம் கையெழுத்​தானது. இதன்​படி, 8 லாஞ்​சர்​கள் மற்​றும் 50 எல்​எல்​எம்​களை தாலஸ் நிறு​வனம் இந்​திய ராணுவத்​துக்கு வழங்​கும்.

இந்த ஒப்​பந்​தம் கையெழுத்​தான பிறகு கூட்​டறிக்கை வெளி​யிடப்​பட்​டது. அதில், “இந்த ஒப்​பந்​தம் இந்​தி​யா​வின் வான் பாதுகாப்பு திறனை மேலும் வலுப்​படுத்​தும். சுய​சார்பு இந்​தியா இலக்கை அடைவ​தில், இது பாது​காப்பு அமைச்​சகத்​தின் தற்​போதைய மற்​றும் எதிர்​கால தேவை​களை பூர்த்தி செய்​யும். இதன்​மூலம் இரு நாடு​களும் ராணுவ தளவாட துறை​யில் நீண்​ட​கால ஒத்​துழைப்பை வளர்த்​துக் கொள்​ளும்” என மத்​திய அரசு தெரி​வித்​துள்​ளது.

இங்​கிலாந்து பாது​காப்​புத் துறை அமைச்​சர் ஜான் ஹீலே கூறும்​போது, “இந்​தி​யா​வுடன் வளர்ந்து வரும் கூட்​டாண்​மை, இங்​கிலாந்​தின் வர்த்​தகம் மற்​றும் வேலை​வாய்ப்பை எப்​படி ஊக்​குவிக்​கும் என்​பதை எடுத்​துக் காட்​டும் வகை​யில் இந்த ஒப்​பந்​தம் அமைந்​துள்​ளது. இது இரு நாடு​களின் பாது​காப்பு துறை​களுக்கு இடையி​லான உறவை மேலும் வலுப்​படுத்​தும். குறிப்​பாக, கடற்​படை கப்​பல்​களுக்கு மின் இன்​ஜின்​கள் உரு​வாக்​கத்​தி​லும் வான் பாது​காப்​புத் துறை​யிலும் இது உதவும்” என்​றார்.

இந்த ஏவு​கணை​யின் எடை வெறும் 13 கிலோ​தான் என்​ப​தால், போக்​கு​வரத்து வசதி இல்​லாத உயர​மான மலைப் பகு​தி​களுக்கு கையிலேயே எளி​தாக சுமந்து செல்ல முடி​யும். இது லேசர் கதிரை வழி​காட்​டி​யாகக் கொண்டு துல்​லிய​மாக தாக்​கும். இதில் சக்தி வாய்ந்த வெடிகுண்​டும் சிறப்பு ப்யூசும் உள்​ளன. 6 கிலோ மீட்​டருக்கு அப்​பாலும், எதிரி​களின் வி​மானங்​கள், ஹெலி​காப்​டர்கள் மற்றும் ட்ரோன்களுக்கு எதிராக செயல்படும்.