போரூரில் ரூ.2000 கோடி முதலீடு: ஹிட்டாச்சியுடன் ஒப்பந்தம் - முதல்வர் முன்னிலையில் கையெழுத்து  

சென்னை: ​போரூரில் ரூ.2000 கோடி முதலீட்​டில் 3000 பேருக்கு வேலை​வாய்ப்பு அளிக்​கும் வகை​யில் ஹிட்​டாச்சி எனர்ஜி டெக்​னாலஜி நிறு​வனத்​துடன் முதல்​வர் மு.க.ஸ்​டா​லின் முன்​னிலை​யில் ஒப்​பந்​தம் கையெழுத்​தானது.

இதுகுறித்து தமிழக அரசு வெளி​யிட்ட செய்​திக்​குறிப்​பு: ஜப்​பான் நாட்​டின் ஹிட்​டாச்சி குழு​மத்தை சேர்ந்தது ஹிட்​டாச்சி எனர்ஜி டெக்​னாலஜி சர்​வீசஸ் நிறு​வனம். அந்​நிறு​வனத்​தின் உலகளா​விய தொழில்​நுட்ப மற்​றும் புத்​தாக்க மையத்​தை, கடந்த 2023-ம் ஆண்டு சென்னை போரூரில் முதல்​வர் ஸ்டா​லின் தொடங்கி வைத்​தார்.

இதன் தொடர்ச்​சியாக, நேற்று முதல்​வர் ஸ்டா​லின் முன்​னிலை​யில் 5 ஆண்​டு​களில் ரூ.2000 கோடி முதலீடு செய்து 3000 பேருக்கு வேலை​வாய்ப்பு அளிக்​கும் வகை​யில், போரூரிலுள்ள ஹிட்​டாச்சி எனர்ஜி டெக்​னாலஜி சர்​வீசஸ் நிறு​வனத்​தின் உலகளா​விய தொழில்​நுட்ப மற்​றும் புத்​தாக்க மையத்​தின் விரி​வாக்​கத் திட்​டத்​துக்​கான புரிந்​துணர்வு ஒப்​பந்​தம் மேற்​கொள்​ளப்​பட்​டது.

நிகழ்ச்​சி​யில் தொழில் துறை அமைச்​சர் டி.ஆர்​.பி.​ராஜா, தலை​மைச் செயலர் நா.​முரு​கானந்​தம், தொழில் துறை செயலர் வி.அருண் ராய், ஹிட்​டாச்சி நிறு​வனத்​தின் உலகளா​விய தலை​மைச் செயல் அலு​வலர் ஆண்ட்​ரி​யாஸ் ஷீரன்​பெக், ஹிட்​டாச்சி இந்​தியா நிறுவன மேலாண் இயக்​குநர் வேணு நுகரி உள்​ளிட்​டோர்​ பங்​கேற்​றனர்​.