மெட்டா சூப்பர் இன்டலிஜென்ஸ் திட்டத்துக்கு தலைமை தாங்கும் அலெக்ஸாண்டர் வாங்கின் பின்னணி என்ன?

புதுடெல்லி: மெட்டா நிறு​வனம் ஏஐ பிரிவுக்கு திறமை​வாய்ந்த அலெக்​ஸாண்​டர் வாங்​-கை தலைமை அதிகாரி​யாக நியமித்துக் கொண்​டது.

அலெக்​ஸாண்​டர் வாங், 2016-ம் ஆண்​டில் தனது 19-வது வயதில் ஸ்டார்​அப் நிறு​வனத்​தில் பணி​யாற்​றத் தொடங்​கி​னார். அப்​போது அவர் தனது நண்​பர் லூசி குவாவுடன் இணைந்து ஸ்கேல் ஏஐ என்ற ஸ்டார்ட்​அப் நிறு​வனத்தை தொடங்​கி​னார். தங்​களது கனவை நனவாக்க கடின​மாக உழைத்​தனர். அதன் பயனால் குறுகிய காலத்​தில் ஸ்கேல் ஏஐ நிறு​வனம் தொழில்​நுட்​பத் துறை​யில் அனை​வரது கவனத்​தை​யும் ஈர்த்​தது.

அலெக்​ஸாண்​டர் வாங்​-கின் திறமை​யைக் கண்டு வியந்த மெட்டா நிறு​வனர் மார்க் ஸுகர்​பெர்க் அவரை உடனடி​யாக தேர்ந்​தெடுத்து மெட்​டா​வின் ஒட்​டுமொத்த ஏஐ செயல்​பாட்​டிற்​கும் தலை​வ​ராக்​கி​னார். அத்​துடன், அனை​வரை​யும் பிரமிப்​பில் ஆழ்த்​தும் வகை​யில் வாங்​கின் ஸ்டார்ட்​அப் நிறு​வனத்​தில் 14.3 பில்​லியன் டாலரை​யும் முதலீடு செய்​தார். இது இந்​திய மதிப்​பில் ரூ.1.24 லட்​சம் கோடி.

வாங் இப்​போது மெட்​டா​வின் நிபுணர்​கள் அடங்​கிய குழு​விற்கு தலைமை தாங்​கு​கிறார். மேலும், மெட்டா சூப்​பர் இன்​டலி ஜென்ஸ் லேப்ஸ் என்ற அமைப்​பின் கீழ் மெட்​டா​வின் ஏனைய ஏஐ, ஆராய்ச்​சிக் குழுக்களும் இவரது மேற்​பார்​வை​யில்​தான் செயல்​படு​கின்​றன.

பணி நியமனம் செய்​யப்​பட்ட குறுகிய காலத்​திலேயே, மெட்டா ஏ.ஐ. குழுவை 4 தனித்​தனி குழுக்​களாக பிரித்து மறுசீரமைப்பு செய்ய தொடங்​கி​விட்​டார் வாங். சீனா​விலிருந்து நியூ மெக்​சிகோவுக்கு குடியேறிய இயற்​பியல் வல்​லுநர்​ தம்பதிக்கு மகனாக கடந்த 1997-ம் ஆண்​டில் பிறந்​தவர் அலெக்​ஸாண்​டர் வாங். எம்​.ஐ.டி. படிப்பை பாதி​யில் கைவிட்ட இவர் ஸ்கேல் நிறு​வனத்தை தொடங்​கி​னார். தனது 20-வது வயதிலேயே வாங் பில்​லியனர் ஆகி​விட்​டார். ஓபன் ஏஐ சாம் ஆல்ட்​மேன் உட்பட சிலிக்​கான் வேலி​யில் உள்ள முக்​கிய பிர​முகர்​கள் மற்​றும் அமெரிக்க எம்​.பி.க்​களு​டன் இவருக்கு வலு​வான தொடர்பு உள்​ளது.

மெட்டா ஏஐ தலைமை அதிகாரியாக பொறுப்பேற்றவுடன் வாங் வெளியிட்ட செய்தியில், நிறுவனம் தனது நீண்டகால தொலைநோக்கு பார்வையை நோக்கி செயல்படுவதற்கு கூர்மையான கவனம் தேவை என்பதை வலியுறுத்தி உள்ளார்.