ரூ.62,370 கோடிக்கு 97 தேஜஸ் விமானம் வாங்க எச்ஏஎல் நிறுவனத்துடன் ஒப்பந்தம்

புதுடெல்லி: இந்​திய விமானப்​படை பயன்​பாட்​டுக்​காக, எச்​ஏஎல் நிறு​வனத்​திட​மிருந்து 97 தேஜஸ் எம்​கே1ஏ ரக போர் விமானங்​கள் வாங்க முடிவு செய்​யப்​பட்​டது. இதையடுத்து எச்​ஏஎல் நிறு​வனத்​துடன் ரூ.62,370 கோடிக்கு பாது​காப்​புத்​துறை அமைச்​சகம் நேற்று ஒப்​பந்​தம் செய்​தது.

இந்த விமானங்​களின் தயாரிப்பை 2027-28-ல் தொடங்கி 6 ஆண்​டு​களுக்​குள் விநி​யோகிக்க வேண்​டும் என ஒப்​பந்​தம் செய்​யப்​பட்​டுள்​ளது. இவற்​றில் 29 போர் விமானங்​கள் இரட்டை இருக்​கைகள் கொண்​ட​தாக இருக்​கும். இந்த விமான தயாரிப்​பில் 64 சதவீதம் உள்​நாட்டு தயாரிப்பு உதிரி பாகங்​களாக இருக்​கும்.

தேஜஸ் எம்1ஏ ரக விமானத்​துக்கு கடந்த 2021-ம் ஆண்டு கொடுக்​கப்​பட்ட ஆர்​டரில் இருந்​ததை விட கூடு​தலாக 67 பாகங்​கள் புதிய விமானங்​களில் சேர்க்​கப்​பட​வுள்​ளன. உள்​நாட்டு தயாரிப்பு ஏஇஎஸ்ஏ ரேடார், ஸ்வ​யம் ரக் ஷா கவச் உட்பட பல உள்​நாட்டு பாகங்​கள் தேஜஸ் ரக விமானத்​தில் இணைக்​கப்​படு​வது தற்​சார்பு நடவடிக்​கையை வலுப்​படுத்​தும். தேஜஸ் எம்​கே1ஏ ரக போர் விமானத்​தில் நடு​வானில் எரிபொருள் நிரப்​புவது உட்பட பல மேம்​பாடு​கள் செய்​யப்​பட​வுள்​ளன.

இந்த விமான தயாரிப்பு திட்​டத்​தில் சுமார் 105 இந்​திய நிறு​வனங்​களுக்கு நேரடி தொடர்பு உள்​ளது. நாசிக்​கில் உள்ள எச்​ஏஎல் நிறு​வனத்​தின் பிரி​வில் 1,188 தொழில்​நுட்ப நிபுணர்​கள், 624 தொழில்​நுட்ப உதவி​யாளர்​கள், 395 பொறி​யாளர்​கள் உட்பட மொத்​தம் 2,207 ஊழியர்​கள் உள்​ளனர். இவர்​கள் தேஜஸ் எம்​கே1ஏ ரக போர் விமான தயாரிப்​பில் ஈடு​படு​வர்.

எச்​ஏஏல் நிறு​வனத்​திடம் ஏற்​கெனவே கொடுக்​கப்​பட்ட தேஜஸ் எம்1ஏ ரக விமானங்​களுக்​கான ஜிஇ-404 இன்​ஜின் அமெரிக்​கா​வில் இருந்து பெறப்​பட்டு வரு​கின்​றன. இந்த இன்​ஜின்​கள் பொருத்​தப்​பட்​ட​வுடன்​ போர்​ வி​மானம்​ டெலிவரி செய்​யப்​படும்.