தங்கம் விலை புதிய உச்சம்: ஒரு பவுன் ரூ.78,000-ஐ கடந்தது

சென்னை: சென்னையில் 22 காரட் ஆபரணத் தங்கத்தின் விலை இன்று (செப்.3) புதிய உச்சம் தொட்டுள்ளது. அதன்படி ஒரு பவுன் ஆபரணத் தங்கத்தின் விலை ரூ.78,000-ஐ கடந்து நகை வாங்குவோருக்கு பேரதிர்ச்சியை ஏற்படுத்தியுள்ளது.

சர்​வ​தேச பொருளா​தார சூழல், அமெரிக்க டாலருக்கு நிக​ரான இந்​திய ரூபா​யின் மதிப்பு உள்​ளிட்​டவை காரண​மாக தங்​கம் விலை நிர்​ண​யிக்​கப்​படு​கிறது. இந்​நிலை​யில், சர்​வ​தேச பொருளா​தார சூழல், அமெரிக்க டாலருக்கு நிக​ரான இந்​திய ரூபா​யின் மதிப்பு சரிந்து வரு​வ​தால், பங்குச் சந்​தை​யில் முதலீடு செய்​துள்​ளவர்​கள் தங்​கத்​தில் முதலீடு செய்து வரு​கின்​றனர். இதனால், பங்குச் சந்தை வீழ்ச்சி அடைந்து வரு​வதுடன், தங்​கத்​தில் முதலீடும் அதிகரித்து வரு​கிறது. இதன் காரண​மாக, தங்​கத்​தின் விலை​யும் அதி​கரித்துக் கொண்டே வரு​கிறது.

கடந்த ஜனவரி மாத தொடக்​கத்​தில் ஒரு பவுன் தங்​கம் ரூ.58 ஆயிர​மாக இருந்​தது. பின்​னர், போர் பதற்​றம் உள்ளிட்ட காரணங்​களால் தங்​கம் விலை தொடர்ச்​சி​யாக உயர்ந்து ஆக.8-ம் தேதி ஒரு பவுன் தங்​கம் ரூ.75,760 என்ற உச்​சத்தை அடைந்​தது.

பின்​னர், ஏற்ற, இறக்​க​மாக இருந்த நிலை​யில், தங்​கத்​தின் விலை கடந்த ஆக.25-ம் தேதி முதல் தொடர்ச்​சி​யாக உயர்ந்து கொண்டே வரு​கிறது. அதன்​படி, வரலாற்​றில் முதல்​முறை​யாக ஆக.29-ம் தேதி தங்​கம் பவுன் விலை ரூ.76 ஆயிரத்தை கடந்து நகை வாங்​கு​வோரை அதிர்ச்​சிக்​குள்​ளாக்​கியது.

பின்னர் செப்டம்பர் 1-ம் தேதி தங்​கம் விலை மீண்​டும் அதி​கரித்து பவுன் ரூ.77 ஆயிரத்தை முதல்​முறை​யாக எட்டியது. இந்நிலையில் இன்று (செப்.3) தங்கம் விலை ரூ.78 ஆயிரத்தை கடந்துள்ளது.

தொடர்ந்து இன்று கிராமுக்கு ரூ.80 உயர்ந்து, ஒரு கிராம் ரூ.9,805-க்கு விற்பனை ஆகிறது. பவுனுக்கு ரூ.640 உயர்ந்து, ஒரு பவுன் ரூ.78,440-க்கு விற்பனை செய்யப்படுகிறது. வெள்ளி விலை மாற்றமின்றி ஒரு கிராம் ரூ.137-க்கும், ஒரு கிலோ ரூ.1 லட்சத்து 37 ஆயிரத்துக்கும் விற்பனையாகிறது. தங்கம் வெகு விரைவில் ஒரு கிராம் ரூ.10 ஆயிரத்தை நெருங்கும் என்று கூறப்படுகிறது.