எச்ஏஎல் நிறுவனத்திடமிருந்து ரூ.62,000 கோடிக்கு 97 தேஜஸ் 1ஏ போர் விமானங்கள் வாங்க ஒப்புதல்

புதுடெல்லி: இந்​துஸ்​தான் ஏரோ​னாட்​டிக்ஸ் நிறு​வனத்​திட​மிருந்து ரூ.62,000 கோடி மதிப்​பில் 97 தேஜஸ் மார்க் 1ஏ ரக போர் விமானங்களை வாங்க மத்​திய அரசு இறுதி ஒப்​புதல் அளித்​துள்​ளது. விமானப்​படை​யில் உள்ள பழைய மிக் -21 ரக போர் விமானங்​களுக்கு மாற்​றாக உள்​நாட்டு தயாரிப்​பான தேஜஸ் இலகு ரக போர் விமானங்​கள் சேர்க்​கப்​படு​கின்​றன.

விமானப்​படை​யில் ஏற்​கெனவே 40 தேஜஸ் போர் விமானங்​கள் சேர்க்​கப்​பட்டு வரு​கின்​றன. அதன்​பின்பு ரூ.48,000 கோடி மதிப்​பில் 83 தேஜஸ் மார்க் 1ஏ ரக விமானங்​களை வாங்க மத்​திய அரசு ஆர்​டர் கொடுத்​தது. இந்த விமானங்​களுக்​கான இன்​ஜினை வழங்​கு​வ​தில், அமெரிக்கா தாமதம் செய்​த​தால், இதன் விநி​யோகம் குறித்த நேரத்​தில் நடை​பெற​வில்​லை.

இதுகுறித்து விமானப்​படை தளபதி ஏற்​கெனவே அதிருப்தி தெரி​வித்​திருந்​தார். அமெரிக்​கா​விடம் இருந்து விமான இன்​ஜின் வந்​ததும் தேஜஸ் போர் விமானங்​கள் விநி​யோகிக்​கப்​படும் என எச்​ஏஎல் நிறு​வனம் உறு​தி​யளித்​தது. தேஜஸ் போர் விமானங்​களின் விநி​யோகத்​தில் தாமதம் ஏற்​பட்​டாலும், ஏச்​ஏஎல் நிறு​வனத்​தின் உள்​நாட்டு தயாரிப்பை ஊக்​குவிக்க வேண்​டும் என்​ப​தில் பிரதமர் மோடி உறு​தி​யாக உள்​ளார்.

அவரும் தேஜஸ் பயிற்சி விமானத்​தில் பறந்​தார். இந்​நிலை​யில் தற்​போது ரூ.62,000 கோடி மதிப்​பில் மேலும் 97 தேஜஸ் மார்க் 1ஏ ரக போர் விமானங்​களை எச்​ஏஎல் நிறு​வனம் தயாரிக்க மத்​திய அரசு இறுதி ஒப்​புதல் அளித்​துள்​ளது. இதில் 65 சதவீதத்​துக்​கும் மேல் உள்​நாட்டு தயாரிப்பு பொருட்​கள் பயன்​படுத்​தப்​பட​வுள்​ளன. 200 தேஜஸ் மார்க் 2ஏ ரக போர் விமானங்​கள் மற்​றும் 5-ம் தலை​முறை போர் வி​மானங்​கள் தயாரிப்​ப​தற்​கான ஒப்​பந்​தங்​களை பெற​வும்​ எச்​ஏஎல்​ நிறு​வனம்​ தயா​ராகி வருகிறது.