வருடாந்திர ​பாஸ்டேக் திட்டத்துக்கு அமோக வரவேற்பு: 4 நாட்களில் 5 லட்சத்துக்கும் மேற்பட்டோர் பதிவு

புதுடெல்லி: புதிய பாஸ்​டேக் வரு​டாந்​திர பாஸ் திட்​டத்​துக்கு அமோக வரவேற்பு கிடைத்​துள்​ளதன் காரண​மாக அறி​முகம் செய்யப்​பட்ட 4 நாட்​களில் 5 லட்​சத்​துக்​கும் மேற்​பட்ட பயனாளர்​கள் பதிவு செய்து கொண்​டுள்​ளனர்.

இதுகுறித்து தேசிய நெடுஞ்​சாலை ஆணை​யம் (NHAI) கூறி​யுள்​ள​தாவது: தனி​யார் வாக​னங்​கள் ரூ.3,000 கட்​ட​ணம் செலுத்தி வாங்க கூடிய பாஸ்​டேக் பாஸ் திட்​டம் கடந்த வெள்​ளிக்​கிழமை (ஆக.15) அறி​முகப்​படுத்​தப்​பட்​டது. இதன்​மூலம் வாக​னங்​கள் சுங்​கச் சாவடியை ஓராண்டு அல்​லது 200 முறை கடந்து செல்ல முடி​யும்.

இந்த நிலை​யில், கடந்த நான்கு நாட்​களில் மட்​டும் 5 லட்​சத்​துக்​கும் மேற்​பட்ட பயனாளர்​கள் இந்த பயண அட்​டையை பெறுவதற்காக பதிவு செய்​து​கொண்​டுள்​ளனர். அதிக எண்​ணிக்​கை​யில் வரு​டாந்​திர பாஸ் வாங்​கப்​பட்ட பட்​டியலில் தமிழ்​நாடு முதலிடத்​தில் உள்​ளது.

அதைத் தொடர்ந்​து, கர்​நாட​கா, ஆந்​தி​ரா, ஹரி​யானா மாநிலங்​கள் உள்​ளன. பாஸ்​டேக் வரு​டாந்​திர பாஸ் திட்​டம் செயல்​படுத்​தப்​பட்ட முதல் நாளான ஆகஸ்ட் 15-ம் தேதி மாலை 7 மணி நில​வரப்​படி 1.4 லட்​சம் பயனாளர்​கள் இந்த வரு​டாந்​திர பாஸை வாங்கி பயன்​படுத்த தொடங்​கி​விட்​டனர். சுங்​கச் சாவடிகளில் சுமார் 1.39 லட்​சம் பரிவர்த்​தனை​கள் பதி​வாகி​யுள்​ளன. இவ்​வாறு நெடுஞ்​சாலை ஆணை​யம் தெரி​வித்​துள்​ளது.

பாஸ்​டேக் வரு​டாந்​திர பாஸை வாங்கி செயல்​படுத்​து​வதற்​கான அதி​காரப்​பூர்வ தளமான ராஜ்​மார்க்​யாத்ரா செயலி கூகுள் பிளே ஸ்டோரில் முதலிடத்​தில் உள்ள அரசு செயலி​யாக மாறி​யுள்​ளது. ஒட்​டுமொத்​த​மாக 23-வது இடத்​தி​லும், பயணப் பிரி​வில் 2-வது இடத்​தி​லும் உள்​ளது. 15 லட்​சத்​துக்​கும் அதி​க​மான பதி​விறக்​கங்​கள் செய்​யப்​பட்டு 4.5 நட்​சத்​திர மதிப்​பீட்டை இந்த செயலி பெற்றுள்​ளது.

தேசிய நெடுஞ்​சாலை ஆணைய தரவு​களின்​படி ஒரே நேரத்​தில் சுமார் 20,000 முதல் 25,000 பேர் வரை ராஜ்​மார்க்​யாத்ரா செயலியை பயன்​படுத்​துகின்​றனர். தேசிய நெடுஞ்​சாலைகள் மற்​றும் விரைவுச் சாலைகளில் அமைக்​கப்​பட்​டுள்ள 1,150 சுங்​கச்​சாவடிகளில் இந்த பாஸ்​டேக் வரு​டாந்​திர பாஸை பயன்​படுத்தி தனியார் வாகனங்கள் தடையின்றி பயணிக்கலாம்.