தொடர்ந்து சரியும் தங்கம் விலை: இன்று பவுனுக்கு ரூ.680 குறைந்தது!

சென்னை: சென்னையில் ஆபரணத் தங்கத்தின் விலை இன்று (ஜூன் 25) பவுனுக்கு ரூ.680 குறைந்துள்ளது. நேற்று ஒரு பவுன் தங்கம் ரூ.600 என குறைந்திருந்தது குறிப்பிடத்தக்கது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு அடிப்படையில் இந்தியாவில் தங்கம் விலை நிர்ணயிக்கப்படுகிறது. அதோடு உலக நாடுகளின் வர்த்தக ரீதியான செயல்பாடும் தங்கத்தின் விலையில் தாக்கத்தை ஏற்படுத்துகிறது. அதன்படி, தங்கம் விலை உயர்ந்தும், குறைந்தும் வருகிறது.

இந்நிலையில், தங்கம் விலை கடந்த 23-ம் தேதி முதல் தொடர்ச்சியாக குறைந்து வருகிறது. அந்த வகையில் சென்னையில் 22 காரட் ஆபரணத் தங்கத்தின் விலை இன்று (ஜூன் 25) கிராமுக்கு ரூ.85 குறைந்து, ஒரு கிராம் ரூ.9,070-க்கும், பவுனுக்கு ரூ.680 குறைந்து, ஒரு பவுன் தங்கம் ரூ.72,560-க்கும் விற்பனை ஆகிறது. நேற்று ஒரு பவுன் தங்கம் ரூ.73,240-க்கு விற்பனையானது.

முன்னதாக, தங்கம் விலை நேற்று பவுன் ஒன்றுக்கு ரூ.600 என குறைந்தது. கடந்த 23-ம் தேதி அன்று பவுன் ஒன்றுக்கு ரூ.40 என தங்கம் விலை குறைந்தது குறிப்பிடத்தக்கது.

இன்று 24 காரட் ஆபரணத் தங்கத்தின் விலை கிராமுக்கு ரூ.93 என குறைந்து, ஒரு கிராம் ரூ.9,894-க்கு விற்பனை ஆகிறது. வெள்ளி ஒரு கிராம் ரூ.119-க்கு விற்பனை செய்யப்படுகிறது.