ரெப்போ வட்டி விகிதம் 5.5 % ஆக குறைப்பு: வீடு, வாகன கடன் வட்டி குறையும்

மும்பை: வங்​கிகளுக்கு வழங்​கப்​படும் குறுகிய கால கடன்​களுக்​கான ரெப்​போ வட்டி விகிதம் 5.5 சதவீதமாக குறைக்கப்படுவதாக ரிசர்வ் வங்கி அறி​வித்​தது. இதனால், வீடு, வாகன கடன்​களுக்​கான வட்​டியை வங்​கி​கள் குறைக்​கும் என எதிர்​பார்க்​கப்​படு​கிறது.

ரிசர்வ் வங்​கியின் கவர்னர் சஞ்​சய் மல்​ஹோத்ரா தலை​மை​யில் 2 ​மாதங்​களுக்கு ஒருமுறை நடை​பெறும் ரிசர்வ் வங்​கி​யின் நாணய கொள்கை குழு கூட்​டம் (எம்​பிசி)கடந்த 4-ம் தேதி தொடங்கி நேற்று வரை நடை​பெற்​றது. இந்த கூட்​டத்​தில், ரெப்​போ வட்டி விகிதத்தை 0.5 சதவீதம் குறைத்து 5.5 சதவீத​மாக நிர்​ண​யிக்க ஒரு​மன​தாக ஒப்​புதல் தெரிவிக்​கப்​பட்​டது. பணவீக்​கம் குறைந்​துள்​ளதை சுட்​டிக்​காட்டி இந்த முடிவு எடுக்​கப்​பட்​டது.

இதுகுறித்து ரிசர்வ் வங்கியின் கவர்னர் சஞ்​சய் மல்​ஹோத்ரா கூறி​யுள்​ள​தாவது: நாட்டின் முக்​கிய 5 துறை​களின் நிதி​நிலை குறிப்பு வலு​வான நிலை​யில் இருப்​பது மிகப்​பெரிய பலமாக பார்க்​கப்​படு​கிறது. மேலும், உள்​நாட்டு மற்​றும் வெளி​நாட்டு முதலீட்​டாளர்​களுக்கு இந்​திய பொருளா​தா​ரம் மகத்​தான வாய்ப்​பு​களை வழங்​கு​கிறது.

சர்​வ​தேச பொருளா​தா​ரம் பலவீன​மான நிலை​யில் இருந்​தா​லும், இந்​தி​யா​வின் வளர்ச்சி வேகம்அதி​க​மாக உள்​ளது. பணவீக்​க​மும் கணிச​மான அளவுக்கு குறைந்​துள்​ளது. ஏப்​ரல் மாதத்​துக்​கான சில்​லறை பணவீக்​கம் 4 சதவீதம் என மதிப்​பிடப்​பட்​டுள்ள நிலை​யில், நடப்பு நிதி ஆண்​டில் இந்த​ பண​வீக்​கம் 3.7 சதவீத​மாக இருக்​கும் என கணிக்​கப்​பட்​டுள்​ளது.

பல்​வேறு பொருளா​தார குறி​யீடு​கள் வலு​வான நிலை​யில் உள்​ளன. செல​வினம், தனி​யார் நுகர்வு படிப்​படி​யாக அதி​கரித்து வரு​கிறது. தொழில்​துறை நடவடிக்​கைகள் வேகம் எடுத்​துள்​ளன. சேவை துறை வேகத்​தை தக்க வைத்​துக்கொள்ள வாய்ப்​பு உள்ளது. நகர்ப்​புற தேவை மேம்​பட்டு வரும் அதே வேளை​யில் கிராமப்​புற தேவை சீராக உள்​ளது. இவ்​வாறு அவர் கூறி​னார்.

ரெப்​போ விகிதம் குறைக்​கப்​பட்​டுள்​ளதால், வீடு, வாகன கடன்​களுக்​கான வட்​டியை வங்​கி​கள் குறைக்​கும் என எதிர்​பார்க்​கப்​படுகிறது. குறிப்​பாக, நீண்டகால கடன் ​தவணை செலுத்​தும் வீட்​டுகடன் வாடிக்​கை​யாளர்​கள் இதனால் பெரிதும் பலனடை​வார்​கள் என்று கூறப்​படு​கிறது.