தங்கம் விலை பவுனுக்கு ரூ.360 உயர்வு

சென்னை: சென்னையில் ஆபரணத் தங்கத்தின் விலை நேற்று பவுனுக்கு ரூ.360 உயர்ந்து, ரூ.71,960-க்கு விற்பனை செய்யப்பட்டது. சர்வதேச பொருளாதார நிலவரத்துக்கு ஏற்ப தங்கம் விலை உயர்ந்தும், குறைந்தும் வருகிறது.

இந்நிலையில், சென்னையில் ஆபரணத் தங்கத்தின் விலை நேற்று சற்று உயர்ந்தது. அதன்படி, கிராமுக்கு ரூ.45 உயர்ந்து ரூ.8,995-க்கும், பவுனுக்கு ரூ.360 உயர்ந்து, ரூ.71,960-க்கும் விற்பனை செய்யப்பட்டது.

அதேபோல், 24 காரட் சுத்த தங்கம் ஒரு பவுன் ரூ.78,496-க்கு விற்பனை செய்யப்பட்டது. வெள்ளி விலையில் மாற்றமின்றி, ஒரு கிராம் ரூ.111 ஆகவும், ஒரு கிலோ கட்டி வெள்ளி ரூ.1 லட்சத்து 11 ஆயிரமாகவும் இருந்தது.