தங்கம் விலை பவுனுக்கு ரூ.280 குறைந்தது: ஒரு பவுன் ரூ.71,520-க்கு விற்பனை

சென்னை: சென்னையில் ஆபரணத் தங்கத்தின் விலை இன்று (மே 23) பவுனுக்கு ரூ.280 குறைந்து ஒரு பவுன் ரூ.71,520-க்கு விற்பனை ஆகிறது. நேற்று பவுனுக்கு ரூ.360 உயர்ந்தது குறிப்பிடத்தக்கது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு அடிப்படையில் இந்தியாவில் தங்கம் விலை நிர்ணயிக்கப்படுகிறது. அதோடு உலக நாடுகளின் வர்த்தக ரீதியான செயல்பாடும் தங்கத்தின் விலையில் தாக்கத்தை ஏற்படுத்துகிறது. அதன்படி, தங்கம் விலை உயர்ந்தும், குறைந்தும் வருகிறது.

இந்நிலையில், சென்னையில் 22 காரட் ஆபரணத் தங்கத்தின் விலை இன்று (மே 23) கிராமுக்கு ரூ.35 குறைந்து, ஒரு கிராம் ரூ.8,940-க்கும், பவுனுக்கு ரூ.280 குறைந்து, ஒரு பவுன் தங்கம் ரூ.71,520-க்கும் விற்பனை ஆகிறது. 24 காரட் தங்கம் கிராமுக்கு ரூ.38 குறைந்து ஒரு கிராம் ரூ.9,791 என விற்பனை ஆகிறது. கடந்த சில தினங்களாகவே தங்கம் விலை ஏற்ற இறக்கத்துடன் இருந்து வருவதை காண முடிகிறது.

ஒரு கிராம் வெள்ளி ரூ.1 குறைந்து ரூ.111-க்கும், ஒரு கிலோ வெள்ளி ரூ.1,11,000-க்கும் விற்பனை செய்யப்படுகிறது.