தங்கம் விலை பவுனுக்கு ரூ.120 குறைந்தது!

சென்னை: தங்கம் விலை பவுனுக்கு ரூ.120 குறைந்து ரூ.59,480-க்கு விற்பனையாகிறது.

சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு உயர்ந்தும், குறைந்தும் விற்பனையாகி வருகிறது.

இந்நிலையில், தங்கம் விலை நேற்று குறைந்தது. இதன்படி, கிராம் ஒன்றுக்கு ரூ.15 குறைந்து ரூ.7,435-க்கும், பவுனுக்கு ரூ.120 குறைந்து ரூ.59,480-க்கும் விற்பனையானது.

இதேபோல், 24 காரட் சுத்த தங்கம் ஒரு பவுன் ரூ.64,888-க்கு விற்பனையானது. வெள்ளி விலை மாற்றம் இன்றி ஒரு கிராம் ரூ.104-க்கு விற்பனையானது. ஒரு கிலோ பார் வெள்ளியின் விலை ரூ.1,04,000 ஆக இருந்தது.