ரிலையன்ஸ் செக்யூரிட்டிஸ் நிறுவனத்துக்கு ரூ.9 லட்சம் அபராதம்: விதிகளை மீறியதாக செபி நடவடிக்கை

மும்பை: பங்​குச் சந்தை விதிகளை மீறிய​தாகக் கூறி ரிலை​யன்ஸ் செக்​யூரிட்​டிஸ் நிறு​வனத்​துக்கு செபி ரூ.9 லட்சம் அபராதம் விதித்​துள்ளது.

ரிலை​யன்ஸ் குழு​மத்​தைச் சேர்ந்த ரிலை​யன்ஸ் செக்​யூரிட்​டிஸ் நிறு​வனம் (ஆர்​எஸ்​எல்) பங்குத் தரகு சேவை​யில் ஈடுபட்​டுள்​ளது. இந்நிலை​யில், ஆர்எஸ்எல் நிறு​வனத்​தின் அங்கீகரிக்​கப்​பட்ட நபர்​களின் கணக்​குகள், பதிவுகள் மற்றும் பிற ஆவணங்களை தேசிய பங்குச் சந்தை (என்​எஸ்இ) மற்றும் மும்பை பங்குச் சந்தை (பிஎஸ்இ) அதிகாரிகள் ஆய்வு செய்​தனர்.

பங்குத் தரகர்​களின் விதி​கள், என்எஸ்இ பியூச்சர் அன்ட் ஆப்ஷன் வர்த்தக விதிகள் பின்​பற்​றப்​படு​கிறதா என்பதை கண்டறிய, கடந்த 2022-ம் ஆண்டு ஏப்ரல் முதல் 2023 டிசம்பர் வரையிலான காலத்​தில் இந்த ஆய்வு மேற்​கொள்​ளப்​பட்​டது. இதில் விதிகள் மீறப்​பட்​டிருப்பது தெரிய​வந்​த​தால், இதுகுறித்து விளக்கம் அளிக்​கு​மாறு ஆர்எஸ்எல் நிறு​வனத்​துக்கு பங்குச் சந்தை பரிவர்த்தனை வாரியம் (செபி) நோட்டீஸ் அனுப்​பியது.

இதை ஒப்புக் கொண்ட ஆர்எஸ்எல் நிறு​வனம், தவறுகளை திருத்த நடவடிக்கை எடுக்​கப்​பட்​டுள்ளதாக பதில் அளித்​திருந்​தது. எனினும், இந்த விளக்​கத்தை ஏற்க மறுத்த செபி, ஆர்​எஸ்​எல் நிறு​வனத்​துக்கு ரூ.9 லட்​சம் அபராதம் ​வி​தித்து நேற்று உத்​தர​விட்​டது.