சிங்கப்பூரின் 60-வது தேசிய தினத்தை முன்னிட்டு சென்னையில் ‘சிங்கா 60’ பிரம்மாண்ட கலை திருவிழா

சென்னை: சிங்கப்பூரின் 60-வது தேசிய தினத்தை முன்னிட்டு ‘சிங்கா 60’ என்ற பிரம்மாண்ட கலை திருவிழா சென்னையில் இன்று (வெள்ளிக்கிழமை) தொடங்குகிறது. ஆகஸ்ட் 10-ம் தேதி வரை தொடர்ந்து 10 நாட்கள் கோலாகலமாக நடைபெற உள்ள இந்த விழாவில், கலை, கலாச்சாரம், பொருளாதாரம் சார்ந்த பல்வேறு நிகழ்ச்சிகள் இடம்பெறுகின்றன.

தென்கிழக்கு ஆசிய நாடுகளில் ஒன்றான சிங்கப்பூருக்கும் இந்தியாவுக்கும் இடையே நெருங்கிய உறவு இருந்து வருகிறது. சிங்கப்பூருக்கும் தமிழகத்துக்கும் இடையிலான உறவு மிகவும் தனித்துவம் மிக்கது. சிங்கப்பூரின் தேசிய மொழிகளில் ஒன்றாக தமிழ் மொழி அங்கீகரிக்கப்பட்டுள்ளது குறிப்பிடத்தக்கது. சிங்கப்பூரின் 60-வது தேசிய தினம் விரைவில் கொண் டாடப்பட உள்ளது.

இந்​நிலை​யில், ‘இந்து தமிழ் திசை’, ‘தி இந்து குழு​மம்’ மற்​றும் ‘தி இந்து பிசினஸ்​ லைன்’ இணைந்து ‘சிங்கா 60' என்ற பிரம்​மாண்ட கலை திரு​விழாவை சென்​னை​யில் நடத்​துகின்​றன. கலாச்​சா​ரம், பொருளா​தா​ரம் சார்ந்த நிகழ்ச்​சிகளை உள்​ளடக்​கிய இந்த விழா அடை​
யாறு பத்​ம​நாபா நகர் 5-வது தெரு​வில் அமைந்​துள்ள ஃபோரம் ஆர்ட் கேலரி​யில் இன்று (வெள்​ளிக்​கிழமை) மாலை 6 மணிக்கு தொடங்​கு​கிறது.

முதல் நாளான இன்று ‘நகரத்​தின் சிந்​தனை​கள்’ என்ற பெயரில் சிறப்பு ஓவிய-சிற்ப கண்​காட்சி நடை​பெறுகிறது. இதில் சிங்​கப்​பூர் மற்​றும் இந்​தி​யா​வைச் சேர்ந்த ஓவியர்​கள், சிற்​ப கலைஞர்​களின் படைப்​பு​கள் இடம்​பெறுகின்​றன. குறிப்​பாக, குமாரி நாகப்பன், கவிதா பத்​ரா, பி.​ஞா​னா, மகாலட்​சுமி கண்​ணப்​பன், ஆர்​யன் அரோரா உட்பட பலரின் படைப்​பு​களை இந்​தக் கண்​காட்​சி​யில் கண்​டு​களிக்​கலாம்.

கண்​காட்​சியை தொடர்ந்து ஓவிய, சிற்​ப ​கலைஞர்​கள் பங்​கேற்​கும் குழு விவாதம் நடை​பெறும். இந்​நிகழ்ச்​சியை பார்​வதி நாயர் நெறிப்​படுத்​துகிறார். 2-வது தின​மான நாளை (சனிக்​கிழமை) மாலை 6.30 மணிக்கு ‘முச்​சந்​தி' என்ற தலைப்​பில் நாடகம் ராஜா அண்​ணா​மலைபுரம் துர்​கா​பாய் தேஷ்​முக் சாலை​யில் அமைந்​துள்ள ராஜரத்​தினம் கலை​யரங்​கில் அரங்​கேற்​றப்​படு​கிறது. இந்​நாடகத்தை சிங்​கப்​பூரைச் சேர்ந்த அகம் தியேட்​டர் லேப் அரங்​கேற்​றுகிறது.

தொடர்ந்து 10 நாட்​கள் நடை​பெறும் ‘சிங்கா 60' கலை திரு​விழா​வில், இசை, நாடகம், ஆவணப்​படம், அரசி​யல், கலை, கலாச்​சா​ரம், சமையல், குழு விவாதம், கருத்​தரங்​கம் என பலதரப்​பட்ட நிகழ்ச்​சிகளை சுவைக்கலாம்.

இந்​நிகழ்ச்​சிக்​கான பங்​கு​தா​ரர்களாக சிங்​கப்​பூர் தூதரகம், டிபிஎஸ் வங்​கி​யும் துணை பங்​கு​தா​ரர்​களாக டிவிஎஸ், லார்​சன் அண்ட் டூ ப்​ரோ, ஓலம் அக்​ரி, டிரான்​ஸ்​வோர்ல்​டு, நிப்​பான் பெயின்ட் அண்ட் எச்​ஒய்​சி, ராம்​ராஜ் காட்​டன், லலிதா ஜுவல்​லரி, ரெசிடென்சி டவர்​ஸ், போரம் ஆர்ட் கேலரி, மிஸ்​டர் ஓங், நாசி அண்ட் மீ, பம்​கின் டேல்​ஸ், மேவெண்​டோயர், சிங்​கப்​பூர்​ தமிழ்​ முரசு ​நாளிதழ்​ ஆகியவையும்​ உள்​ளன.

மேற்கண்ட நிகழ்ச்சிகளைப் பற்றி கூடுதலாக அறியவும், பங்கேற்பதற்கு பதிவு செய்யவும் இதோ இணைப்பு > சிங்கா 60 கலை திருவிழா